ইন্দিয়া অমসুং ম্যান্মার লৈবাক অনীগী মরক্তা মনিপুরগী পরীংদা লৈরিবা বোর্দরদা খারিবা ঙমখৈ শম্বলগী শরূক খরা কুকি মিলিটেন্টশিং ওইগনি চিংনবা শকখঙদবা মীওইশিংনা ককথৎলম্লে। চৎলিবা দিসেম্বর থা অসীগী অনীগী নুমিদাংগী মতমদা শম্বল অসীগী বোর্দর পিল্লর নম্বর ৬৭ অমসুং ৬৮ গী মরক্তা লৈরিবা ঙমখৈ-শম্বলগী শরুক্তা মিটর ১৫০ দগী ২০০ রোম শাংবা মফম অমা ককথৎলম্বনি হায়রি।মফম অদূ চান্দেল দিষ্ট্রিক্টকি মোলচাম পুলিস ষ্টেসন মনূঙচন্না লৈবা চাঙ্কোল ভিল্লেজ মনাক্তনি।
মতম খরগী মমাঙদসু মোরে পুলিসকি মনূঙচনবদা বোর্দর পিল্লর ৭৭কি এরিয়াদা ঙমখৈ শম্বলগী য়োৎ মখোঙ ১৫ রোম ককথৎলগা পুখিবগী থৌদোক লৈখ্রবনি। হন্দক ঙমখৈ-শম্বলগী শরূক খরা ককথৎলম্লিবসি ইন্দো -ম্যান্মার বোর্দরগী শরুক পূম্নমক মপূঙ ফানা শম্বল খাজীন্দুনা ইল্লিগেল ইম্মিগ্ৰেন্টশিং লমদমসিদা চঙশীল্লকপা থিংনবা থবক লৌখৎলূ হায়না মনিপুরগী মীয়াম্না সেন্টর লৈঙাক্তা কন্না তকশীল্লিঙৈ চৈরক্তনি।
ইন্দো -ম্যান্মারগী ঙমখৈ-শম্বলগী শরূক খরা ককথৎলম্লিবসি বোর্দরগী শরূক্তা শম্বল খাবা পামদবশিংনা চত্থবা ওইগনি।বোর্দর পরীং অসীদা লান্থোক -লান্সিন তৌদুনা দ্রগ অমদি খূৎশু-খূৎলায়শিং কারবার তৌবশিংনা খুদোংচাবা লৌননবা চত্থরকপা থৌওং ওইগনি হায়বগী চিংনবসু লৈরি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা