হান্না বাংলাদেশকি প্রাইম মিনিষ্টর ওইনা লৈরম্বা শৈখ হসিনা শিবগী চৈরাক পীননবা ইন্টর্নেস্নেল ক্রাইম ট্রাইব্যুনেলনা ৱায়েল পীখ্রে।মহাক মরাল লৈরে হায়না লাউথোকখিবগা লোয়ননা মমাঙদা কোর্ট অসীনা মহাকপূ মপুন্সি চূপ্পা কৈশুমশঙদা থম্ননবা ৱায়েল পীখিবা লৈখ্রবনি অদূবু মহাক্না লঙজখিবা ঙাকপীফম থোক্ট্রবা মরালশিং অদূ য়েংলবা মতূঙদা শিবগী চৈরাক অদূ পীবদা তাখিবনি হায়না কোর্ট অদূগী জজ গুলাম মোর্টুজা মজুমদারনা লাউথোকখি।
হান্নগী প্রাইম মিনিষ্টর শৈখ হসিনা না মীয়ামদা ঈরাঙ শাগৎনবা ঈন্সীনখি।মহাক্না মীওই কয়ামরুম হাৎননবা অরানবা মওংদা য়াথং পীখি লোয়ননা মীয়ামগী হীঙশা য়াওবা ঈহৌশিং অদূ মতম চানা থিংহৌনবা থবক অমত্তা লৌখৎখিদে হায়না কোর্ট অদুনা ফোঙদোকখি।
হসিনাগী অৱামি লিগ পার্টিগী থৌমীশিংনা কোর্টকি ৱায়েল অদুগী মায়োক্তা অকনবা প্রোটেষ্ট কয়ামরুম লম্বীদা থোরক্তুনা চত্থরকখি। বাংলাদেশ পুলিসনা মীয়ামদু কন্ট্রোল তৌননবা থৌরাং লৌখৎখি।হসিনাবু শৌগত্তুনা ঈরাঙ হৌরকপা মীওইশিং হেক উবদা নোংমৈনা কাপ্নবা মোহম্মদ য়ুনুসনা লুচিংবা ইন্টরিম লৈঙাক্না মরী লৈনবা অথোরিটিদা খঙহনখ্রে।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি