হৌখিবা চহী অনী মখায়রোম হেল্লক্লবা, মনিপুরদা থোক্লিবা হীঙশাগী ঈরাং অসী ইন্দিয়া পূম্বগী মীয়ামদা ময়েক শেংনা খঙহন্দুনা অথূবা মতমদা ঈরাং অসী লোইশিনবিনবা মতেং পাংবিয়ু হায়বগী পান্দমদা সাইক্লিং ফোর মনিপুর পিচ হায়বা থিমগা লোয়ননা শান্তিগী পাউজেল পুদুনা দিল্লিগী কুটুব মিনারদগী মনিপুর ফাওবা সাইকল থৌদুনা খোঙচৎ পাঙথোক্লিবা মালেম থোঙাম ঙরাং উত্তর প্রদেশকি ভরান্নসিদা থুংখ্রে।
ট্রান্সজেন্দর সোসিয়েল এক্টিভিষ্ট অসীনা মনিপুরদা থোক্লিবা হীঙশাগী ঈরাং অসী লোইশিনবিনবা মমাঙদসু কয়ারক হন্না চরা হেনবগী খোঙজঙ য়াওনা মনিপুরগী মফম কয়াদা প্রোটেষ্ট তৌদূনা লাকখ্রবনি। ইন্দিয়া অমসুং মনিপুর লৈঙাক্কি মায়কৈদগী ঈরাং অসী লোইশিন্ননবা থবক অমত্তা পায়খৎলক্তবদগী মহাক্না অনৌবা খোঙথাং অসী লৌখৎলক্তুনা ইন্দিয়া পূম্বগী মীয়ামদা হীঙশাগী ঈরাং অসীবু লোইশিন্ননবা হোৎনবদা মতেং পাংবিয়ু হায়বা পাউজেল পুদুনা দিল্লিগী কুটুব মিনারদগী মনিপুর তম্না সাইকল থৌরগা মহাক্কি খোঙচৎ অসী পাঙথোক্লিবনি।
মহাক্না ভরান্নসিদা থুংলবদা মশীং য়াম্লবা য়ূ পিগী পুলিস টিম অমনা হরাও তরাম্না ওকপিখি। মালেম থোঙাম্না মহাক্কি খোঙচৎ অসীগী মখা চত্থরকপা ওইনা বিহার মায়কৈ পাংলক্নবা থবক লৌখৎপা হৌখ্র।
হৌজিক ফাওবদা মহাক দিল্লিদগী কিলোমিটর ৮৬০ সাইকল থৌদুনা লাকপা ঙমখ্রে।মহাক্কি খোঙচৎ অসীদা তোঙান-তোঙানবা মনিপুরগী অমদি অতৈ ষ্টেটশিংদগী লন্নাই লূপ কয়ানা সোলিদারিটি ঊত্তুনা মতেং পাংলি।
ইম্ফালদা মহাকপু তরাম্না ওক্ননবগীদমক মশীং য়াম্লবা মীয়াম্না ঙাইদুনা লৈনরি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে