মনিপুরগী ওইনা চহী খূদীংগী টুরিষ্টশিংনা খ্বায়দগী হেন্না পাম্ননা লম কোয়বা লাক্নরিবা মফম অমা ওইরিবা বিষ্ণুপুর দিষ্ট্রিক্ট কি সেন্দ্রা টুরিষ্ট সেন্তরদা হৌখিবা চয়োল অমা অসীখক্তদা লম কোয়বা লাক্লম্বা টুরিষ্টশিংনা হুন্দোক্লম্বা প্লাষ্টিক্কি পোৎলম টোন ২ হেনবা খোমজিনবগী থবক চয়োল অমা চূপ্না পাঙথোক্তুনা লাকপদু ঙরাং লোইশিনখ্রে।
মনিপুর লৈঙাক্কি দিরেক্তরেট ওফ এনভাইরনমেন্ট এন্দ ক্লাইমেৎ চেঞ্জগী মীৎয়েং মখাদা অনৌবা মঙাল ফাউন্দেসন -সেন্দ্রা, লোক্তাক লেক কোরপোরেসন সোসাইটি লিমিটেদ, সেন্দ্রা য়ূথ ক্লব, হী-য়াই সেল্ফ হেল্প গ্ৰুপ, সেন্দ্রা নিংথৌ সেল্ফ হেল্প গ্ৰুপ, বিষ্ণুপুর দিষ্ট্রিক্ট কেনোয়িং, কয়াকিং এন্দ রোয়িং এসোসিয়েসন গা পূন্না খূৎশম্নদুনা দিরেক্তোরেট অসিনা ওক্তোবর অমদগী ঙরাং ফাওবা চয়োল অমা চূপ্না প্লাস্টিককি অমোৎ- অকায়শিং খোমগৎপগী থবক অদূ চত্থরকখিবদা পূন্না প্লাস্টিক টোন ২ হেন্না খোমগৎপা ঙমখি।
মসিগা লোয়ননা প্লাস্টিক ৱেষ্টকি মতাঙদা মীয়াম্বু ভাব তাহনবগী পান্দমদা এৱের্নেস প্রোগ্রাম অমসু পাঙথোকখি। থৌরমদুদা দিরেক্তোরেট ওফ এনভাইরনমেন্ট এন্দ ক্লাইমেৎ চেঞ্জগী দিরেক্তর দা. টি ব্রজকুমারনা অথোয়বা মীথূঙলেন ওইখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা