নেপাল ওথোরিটিনা সোসিয়েল মেদিয়া প্লেটফোর্মশিং থিংজিনখিবগী থৌওং অকনবা মওংদা য়ানিংদবা ফোঙদোক্তুনা খোয়শাওনরবা মীয়াম্না চঙশীল্লকপা ঈহৌদা লৈবাক অদূগী পারলিয়ামেন্ট, প্রাইম মিনিষ্টরগী ময়ূম, প্রেসিডেন্ট রামচন্দ্র পাউদেলগী রেসিদেন্স, সুপ্রিম কোর্টকি ওফিস বিল্ডিং, মিনিষ্টরশিংগী য়ূম কয়ামরুম মৈ থাদোকখ্রে।
কাথমন্দুদা লৈরিবা নেপালি কংগ্রেস পার্টিগী ওফিসসু খোয়শাওনরবা মীয়াম্না চঙশীল্লকপা ঈহৌদা মৈ থাদোকখ্রে।হৌজিক ঈরাং না মরম ওইরগা নেপাল খুন্তাক লান্সিরে, মৈ হৌরে।নেপালগী আর্মী চিফ জেনরেল আশোক রাজ সিখ সিগদেলনা প্রাইম মিনিষ্টর কে পি শর্মা ওলি ফম থাদোক্নবা খঙহনখিবগা লোয়ননা লৈঙাক্কি এদমিনিষ্ট্রেসন পূম্নমক আর্মীনা পায়শীন্ননবা থৌরাং তৌখ্রে হায়না এজেন্সিগী পাউনা ফোঙদোরক্লি।
মীয়ামগী ঈহৌ অদূ লাকশীন্ননবা প্রাইম মিনিষ্টর ওলিনা ওল পোলিটিকেল পার্টিগী মীফম কৌরবসু মায় পাক্না ৱারোয়শিন পুরকপা ঙমখিদ্রে। প্রাইম মিনিষ্টর ওলি দুবাইরোমদা চেনখিনবা থৌরাং তৌখ্রে অদুগা অতৈ মিনিষ্টরশিংসু আর্মীনা পুথোকখিনবা হোন্দোক-হোঞ্জিন তৌবদা হেলিকোপ্তর কয়ামরুম শীজীন্নখি। সোসিয়েল মেদিয়া প্লেটফোর্মশিং থিংবগী মায়োক্তা চঙশীল্লকপা ঈহৌ অদূ লাকশীন্ননবা হোৎনখিবা সেক্যুরিটি ফোর্সনা নোংমৈ কাপ্পদা হৌজিক ফাওবদা মীওই ২৫ হেন্না শিরে হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা