মনিপুরগী অপূনবা শক্তম ঙাক্কদবনি হায়বা ৱাফম অমত্তা ইন্দিয়াগী কন্সটিট্যুসন্দা য়াওদে হায়না কুকি- জো কাঙলূপকি লালহৌলূপশিংগী অপূনবা বোদি অমা ওইরিবা য়ুনাইটেদ পিপলস ফ্রন্ট (য়ু পি এফ) কি স্পোক্সপর্সন আরোন কিপগেননা ফোঙদোকখ্রে। ইন্দিয়া টুদেগী ইন্টরভ্যু অমদা মহাক্না ৱাফম অসী থম্লকখিবনি।
হন্দক চৎলিবা সেপ্তেম্বর থা অসীগী মরি দা সেন্টর লৈঙাক অমসুং সূ দা লৈরিবা কুকি- জো কাঙলূপকি লালহৌলূপশিংগী মরক্তা খূৎয়েক পীনখিবা এগ্ৰিমেন্ট অদূদা য়াওরিবা য়াম্না মরু ওইবা ক্লোজশিংগী মনূঙদা কুকি- জো কাঙলূপকি ওইবা লেজিসলেচর য়াওবা য়ুনিয়ন টেরিটোরি অমা ইন্দিয়ান কন্সটিট্যুসনগী মখাদা থম্ননবা পোলিটিকেল দাইলোগ চত্থনবা থবক পায়খৎপগী মতাঙ য়াওরে।
হন্দক্কি খূৎয়েক পীনখিবা এগ্ৰিমেন্ট অসীনা মমাঙদা, কুমশিং ২০০৮ দা খূৎয়েক পীনখিবা এগ্ৰিমেন্ট অদূগী মহূৎ শিল্লগনি হায়না আরোন কিপগেন না ফোঙদোকখিবগা লোয়ননা অথুবা মতমগী মনূঙদা মনিপুরদা কুকি- জো কাঙলূপকি লেজিসলেচর য়াওবা য়ুনিয়ন টেরিটোরি অমা শেম্ননবগী থবক পায়খৎলগনি হায়খি।মহাক্না মখা তারদুনা হায়, মমাঙগী খূৎয়েক পীনখিবা সূ এগ্ৰিমেন্ট অদূদা মনিপুরগী অপূনবা শক্তম ঙাক্কদবনি হায়বা ৱাফম য়াওরম্লবসু হন্দক্কি খূৎয়েক পীনখিবা এগ্ৰিমেন্ট অসীদদি য়াওহনখিদ্রে। মনিপুরগী শক্তম ঙাক্তবা য়াদে হায়বা ক্লোজ অমত্তা ইন্দিয়াগী কন্সটিট্যুসন্দসু য়াওদে হায়খি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর