ওল মনিপুর ভি দি এফ এমপ্লোয়িজ ৱেলফ্যের এসোসিয়েসন না চত্থরকখিবা ষ্ট্রাইক কি খোঙজঙ অদূ ভিল্লেজ ভল্লন্টিয়রশিংগী থবক অসী রিগুল্লরাইজ তৌবিয়ু অদুগা ভি দি এফ পার্সনেল অমগী থাগী পে অসী য়ামদ্রবদা লূপা লীশিং ৩০ দগী তাথদনা পীয়ু হায়বনচিংবা দিমান্দ তৌরকখিবদু অথোরিটিগা য়ানবা পুরকখিবদগী হন্দোকখ্রে।
মসীগী মতাংদা হৌখিবা জুলাই ৩১ গী নুমিদাংৱাইরমদা মনিপুর পুলিসকি আই জি পি জোন-ৱানগী থৌ পুরিবা থেমথিং ঙশাংবা, অতৈ দি আই জিশিং অমদি ইম্ফাল নোংচুপ পানাগী সুপরিন্টেন্দেন্ট ওফ পুলিস খেত্রিময়ূম শিবকান্তনচিংবা মকোকথোংবা পুলিস ওফিসারশিং অমসুং ভি দি এফ ইমপ্লোয়িজ ৱেলফ্যের এসোসিয়েসন অসীগী লুচিংবশিং ফম্মিন্নদুনা কূপ্না খন্ন-নৈনখি।
মতূঙদা ভিদিএফশিংগী অপাম্বশিং লাক্লিবা আগষ্ট ১০ ফাওবগী মনূঙদা ওর্দর থোক্তুনা থবক্তা ওন্থোক্লগনি হায়বগী চপচাবা থাজবা পীরকখিবদগী ঙরাংদগী নোংমৈ থাদোক্তুনা খোঙজঙ চঙশীন্ননবা থৌরাংলম্বা অদূ হন্দোকখিবনি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর