রোটরি ক্লব ওফ পোলো সিটি ইম্ফালগী মেম্বরশিংনা মনিপুর পোলো এন্দ হোর্স রাইদিং এসোসিয়েসনগা খূৎশম্নদুনা ঙরাং ইম্ফালগী লম্ফেলপাত্তা লৈরিবা মনিপুর পোনি ব্রিদ্দিং ফার্ম দা ষ্টেট অসীগী বাইও-দাইভর্সিটি কন্ননবা পান্দমদা উ চারাশিং থাবগী থৌরম অমা পাঙথোকখ্রে। মালেম অসীবু মাঙহন-তাকহল্লগে হায়বগী মতাগুম অঈঙ- অশাগী চাংদা অহোংবা লাক্লিবা, উমং- ৱামঙশিং কোকথরক্লিবশিং অসীদগী ঈশীং- নুংশিৎ অমসুং নোংজু-নুংশাগী মতমদা অকায়বা কয়া থোক্লক্লিবশিং অসীনা মীওইবা অমসুং অতৈ জিব পানবশিংদা পীরক্লিবা চৈথেঙ কয়া অসীদগী ঙাকথোক্ননবা ৱাখল্লোনগা লোয়ননা ক্লব অসীনা উ চারা ২০০ পোনি ব্রিদিং ফার্ম গী অকোয়বা মফমশিং অমসুং মনাক নকপদা লৈরিবা অকোয়বা এরিয়াশিংদা থাখি।
থৌরমদুদা শরূক য়াখিবা মীয়াম অমসুং পাউমীশিংদসু মশা- মশাগী য়ূমগী অকোয়বা মফমশিংদা লৈবা খুদোংচাগদবা মফমশিংদা থাননবা উ চারা ১০০ হেন্না য়েন্থোকখি। মনিপুরদা রোটরি ক্লব অসীনা মতম কয়াগী মমাঙদগী ঙসীফাওবা উ চারাশিং থাবগী থৌরম চত্থদুনা লমদম অসীগী অকোয়বগী ঈশীং- নুংশিৎ শেংনা লৈহন্ননবা থবক- থৌরম কয়া পায়খত্তুনা লাক্লি।
এক্সোটিক প্লান্টশিং অমদি পোনি কন্ননবা ক্লব অসীনা মখল-মখা কয়ামরুমগী থবক পায়খত্তুনা লাক্লি হায়না রোটরি ক্লব কি প্রসিদেন্ট দা. আর কে রটনকুমারনা থৌরমদুদা ফোঙদোকখি।
