নেস্নেল হাইৱে পাকথোক চাউথোকপগা মরী লৈননা ইম্ফাল টু কাংপোকপী এরিয়াগী লম্বী পরীংদা লৈরিবা মীয়ামদগী অহাঙবা চেজমদা খুঞ্জাশিংদা সাইন তৌহল্লগা কুকি নেস্নেল ফ্রন্ট (কে এন এফ) না কম্পেন্সেসনগী শেনফম নমদূনা লৌথোকখ্রে হায়না লমদম অসীগী তোঙান তোঙানবা মেদিয়া প্লেটফোর্মশিংদা ফোঙদোক্নরকখিবদু অরানবা, য়ূম্ফম য়াওদবা ৱাফম্নি।
কনাগুম্বা খরনা লূপ অসীগী মিংচৎ থীহন্ননবা অমসুং মীয়ামদা লান্না উহন্ননবা থওইনা কোক শান্নরকপা ওইগনি হায়না আইন্না থিংখ্রবা লূপ অসীগী ইনফোর্মেসন এন্দ পব্লিসিটি সেক্রেটরি এল ঐচ ষ্টেফেননা থাদোরকপা চেরোল অমদা শেংদোরক্লি। লৈঙাক্কা সাইন তৌনখিবা সস্পেন্সন ওফ ওপরেসনগী গ্ৰাউন্দ রুল পূম্নমক লূপ অসীনা ঙসীফাওবদা ঙাক্তুনা লাক্লি।
লৈঙাক্না পায়খৎলকপা মীয়ামগী চাওখৎ থৌরাংগা মরী লৈনবা থবক- থৌরমশিংদসু কে এন এফ না মপূঙফানা মতেং পাংদুনা লাক্লিবনি, মতূঙ তাবদসু শৌগত্তুনা লৈখিগনি হায়না চেরোল অসীদা মখাতানা ফোঙদোরক্লি।