চুরাচান্দপুর দিষ্ট্রিক্টকি মনূঙচন্না লৈরিবা, সিংহাট পুলিস ষ্টেসনগী মনূঙদা লৈবা ইনপুম ভিল্লেজদা লৈবা য়ূম অমদা দিষ্ট্রিক্ট পুলিসনা অকক্নবা পাউ অমা ফংবদগী থি-হুম্বগী থবক চত্থবদা ৱারল্ড ইজ য়োর্স ( দব্লিয়ু ৱাই) টেব্লেট লাখ অমা ফাগৎপা ঙমখ্রে।
ভিল্লেজ অদুদা লৈবা থাংমালজোন এল্লাইজ হন্টর (৩৫) কৌবা মীওই অমগী য়ূমদা চুরাচান্দপুর দিষ্ট্রিক্ট পুলিসকি এস দি পি ও ওইরিবা এন থাংজানুং অমসুং ইন্সপেক্টর জেমস ৱাইফৈ অনীনা লুচিংবা টিম অমনা রেইদ চত্থবদা য়াম্লবা দ্রগশিং অদূ ফাগৎপা ঙমখিবনি হায়রি। নম্বর ৯৯৯ হায়না থাবা লাবেল য়াওরবা য়াম্না অফবা মখলগী টেব্লেটশিং অদুগা কোন্ননা হন্টরসু পুলিসনা ফাগৎপা ঙমখ্রে।মহাক্কি মথক্তা মখাতাবা আইনগী এক্সন লৌখৎনবগীদমক মরী লৈনবা পুলিস ষ্টেসন্দা মহাকপু পোৎলমশিং অদুগা কোন্ননা খূৎশীন্নখিবগা লোয়ননা এফ আই আর অমসু লৌখত্তুনা ইনভেষ্টিগেসন চত্থবা হৌখ্রে।
চুরাচান্দপুর দিষ্ট্রিক্টকি তোঙান- তোঙানবা মফমশিংদা ম্যান্মার মায়কৈরোমদগী চিন-কুকি জো কাঙলূপকি মশীঙ থীঙমদ্রবা মীতোপ-মীয়ান কয়ামরুম নৌনা চঙশীল্লক্লগা আইন কায়বা মওংদা পোপ্পি পাক-সন্না থাজিল্লকপা অমসুং দ্রগ, নোংমৈ, বোমগী কারবার চাউনা চত্থরকপদগী হৌখিবা চহী ১০/২০ গী মতমসিদা ঈরমদম অসীদা তঙদূ- লৈতাদবা ফীভম অমা মায়োক্নহল্লি। তুংগী হৌরক্লিবা ঐখোয়গী নৌরিবা নহারোলশিং নিষাগী ঈপাক্তা তাউদুনা লৈহল্লিবনি হায়না মীয়াম্না ফোঙদোক্নরগা লৈরিবনি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা