হৌজিক্কি মতমসিদা মমা ওইবীশিং, মীরোনবীশিংনা ফিজিকেল মূভমেন্ট য়াম্না ৱাৎলকপা, ঈমূঙ-মনুঙগী থবক ঈঙ্খাঙ শু-নোম্বগী চাং হন্থরকপা, ৱাই শীৎ-শেংবা, ফৌ শুবা, চেঙ খৈবনচিংবা তৌদুনা ফিজিকেল এক্সর্সাইজগী থবক-থৌরমশিং পূম্নমক তোক্নখিবা কয়া অসীদগী নোর্মেল ওইনা অঙাঙ পোকপা ঙমদবদগী হোস্পিটালশিংদা সিজরিয়ান সেক্সন চত্থরগা অঙাঙ পোকপগী হৈনবী অমা কন্না চৎনরক্লি। মসীনা মরম ওইরগা অঙাঙ পোকপগী চাংসু য়াম্না হন্থরক্লি হায়না মনিপুর লৈঙাক্কি হেল্থ সার্বিসেস দিপার্টমেন্ট কি দিরেক্তর দা. চম্বো গোনমৈনা ফোঙদোকখ্রে।
ষ্টেট লৈঙাক্কি হেল্থ সার্বিসেস দিপার্টমেন্ট, ফেমিলি ৱেলফ্যের দিরেক্তরেৎ অমসুং নেস্নেল হেল্থ মিসন্না খূৎশম্নরগা ঙরাং ইম্ফালগী লম্ফেলপাত্তা লৈরিবা ইন্দিয়ান মেদিকেল এসোসিয়েসন ( ইমা) গী হোলদা পাঙথোকখিবা ৱারল্ড পোপ্যুলেসন দে থৌরমদা অথোয়বা মীথূঙলেনগী ৱারোল ফোঙদোকপদা দা. চম্বোনা ৱাফম অসী ফোঙদোকখিবনি।
হেল্ডি তাইমিং এন্দ স্পেসিং বিটৱিন প্রেগনেন্সিজ ফোর প্লান পেরেনহুদ হায়বা থিমদা পাঙথোকখিবা থৌরম অদুদা নেস্নেল হেল্থ মিসনগী ষ্টেট মিসন দিরেক্তর দা. এস দিনেস, ফেমিলি ৱেলফ্যের দিপার্টমেন্ট কি দিরেক্তর দা. এন হেমন্তকুমার অমসুং অতৈ শক্নায়রবা দিগনিটরি কয়াসু শরুক য়াখি। মালেমগী ওইনা হৌজিক পূন্না মীওই বিল্লিয়ন ৮.২ য়ৌরে। মসীগী মনূঙদা ইন্দিয়াদা অপূনবা মীওই মশীঙ ১,৪৬৪,৫৮৪,১৪৬ ওইদুনা মালেমদা খ্বায়দগী মীশীঙ য়াম্বা লৈবাক ওইরি অদুগা চাইনানা অনীশুবদা লৈরি হায়না দা. চম্বোনা মখা তাখি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা