ঙরাং মার্চ ২৩ গী অয়ূক পূঙ ১০.৩০ রোম তাবদা সেনাপটি পুলিস অমসুং সি আর পি এফকি কম্বাইন্ড টিম্না রেন্দম ফ্রিস্কিং অমসুং চেক্কিংগী থবক চত্থবদা মতৈ- মনাও অমদগী য়াম্লবা গঞ্জা ফাগৎপা ঙমখ্রে। নেস্নেল হায়ৱে নম্বর-২ গী মাউন্ট এভারেস্ট কল্লেজ মনাক্কি লিয়াংমৈ তাফৌ এরিয়াদগী গঞ্জাগা কোন্ননা ফাগৎখ্রবা মীওই অনী অদুদি কে ঐচ জাহীর খান (২১) অপোকপা এমদি ইস্লামুদ্দিন ওফ গোলাপতি ময়ায় লৈকায়, ইম্ফাল ইষ্ট দিষ্ট্রিক্ট অমসুং মহাক্কি লোয়নবী মিষ্ট্রেস হেপুনি দোভৈনাই (১৯) নি।
মখোয়দগী গঞ্জা কিলোগ্রাম ২৪.৬৯ ফাগৎপা ঙমখ্রে হায়রি। সেনাপটি পুলিস ষ্টেসনগী পার্সনেলশিং, সেনাপটি ৱিমেন পুলিশ, দি-৭৮ সি আর পি এফ অমসুং বি-১০৯ সি আর পি এফ কোই ক্যু আর টিগী অপূনবা টিম্না ফ্রিস্কিং অমসুং চেক্কিংগী থবক চত্থবদা মতৈ- মনাওদু ফাগৎখিবনি।
ফাগৎলবা পোৎলমশিং অদূগা কোন্ননা মখোয় অনীগী মথক্তা মখা তানা ইনভেষ্টিগেসন চত্থনবা সেনাপটি পুলিস ষ্টেসন্দা খূৎশীন্নখ্রে হায়রি। সেনাপটি পুলিসনা এনদি এন্দ পি এস এক্ট কি মখাদা কেস অমা রেজিষ্টর তৌদুনা মখাতানা থিজিনবা হৌখ্রেসু হায়রি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে