পাকিষ্টানগী য়াম্না মনূঙ হঞ্জিন্না বেলোচিষ্টান প্রোভিন্সকি মনূঙচন্না চীঙগী শরুক ওইনা লৈরিবা, অদুগা ইরান অমসুং আফঘানিষ্টানগসু তাইনরিবা এরিয়া অমদা খূৎলায় মতীকচানা পায়রবা মিলিটেন্টশিংনা ট্রেন অমা খূদূম চন্দুনা, মদূদা তোংলকপা পেসেঞ্জর ৪৫০ হোষ্টেজ ওইনা ফাজীনখ্রে হায়রি। মিলিটেন্টশিং অদূনা চত্থরকখিবা এত্তেক্তা ট্রেন অদূগী দ্রাইভরসু অশোক- অপন মায়োক্নখ্রে হায়না বেলোচিষ্টান প্রোভিন্সকি কোনুং ক্বেট্টাদা লৈবা সেনিয়র রেলৱে ওফিসিয়েল অমা ওইরিবা মোহম্মদ কাসিফনা এজেন্সিদা ফোঙদোরক্লি।
পেসেঞ্জরশিং অদূ অয়াম্বদি নূপী অমসুং অঙাং ঙাক্তনি হায়না মহাক্না মখা তাখি। এত্তেক অদূ বেলোচ লিবরেসন আর্মী (বি এল এ) না চত্থখিবনি হায়না মিলিটেন্ট লূপ অসীনা থৌদোক অদূগী মতূঙ ঈকান কান্নদনা লাউথোরকখ্রে। খূৎলায় মতীকচানা পায়রবা মিলিটেন্ট লূপ অসী নীঙ-তম্বা লৈবাক অমা দিমান্দ তৌরিবনি অদুগা মীরৈবাক মচাশিংনা লমদম অদোমদা ঙাইহাক লৈতনা লাক্লগা লমদম অদূদগী রিছোর্স অমদি লন-থুম পুথোকখ্রগা অহেনবা প্রোফিট ফংনবা থবক তৌই হায়না লূপ অসীনা অকনবা মরাল শীখি।
মখোয়না রেলৱে ট্রেক অদূদা বোম পোকখায়হল্ল বা মতূঙদা ট্রেন অদূ খূদূম চন্দুনা মদূদা তোংলকপা পেসেঞ্জরশিং হোষ্টেজ ওইনা ফাজীনখিবনি হায়রি। হোষ্টেজ শিং অদূ কন্ননবা কনাগুম্ব না হোৎনরক্লবদি খুদোংথীবা কয়া মায়োক্নগনি হায়নসু লূপ অসীনা অকনবা ৱার্নিং তৌরমখি। জাফফার এক্সপ্রেস হায়না খঙনবা ট্রেন অদূদা লাইবক থীবা থৌদোক অদূ মায়োক্নখিবনি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে