মনিপুর লৈঙাক্কি এম এল এ, মিনিষ্টরশিংনা মশা-মশাখক্কি য়েংবা, মীয়ামগী ইন্টরেষ্ট তা থবক তৌদবা অমসুং লৈবাক্কি লুরবা তাঞ্জাশিদা মখোয় মশেল ফম মুন্নরকপদগী খাইবুং-খাইবুং তানরকপদগী প্রসিদেন্ট রুল লাক্লে। অথূবা মতমদা এম এল এ, মিনিষ্টরশিংনা চিফ মিনিষ্টর অমা খন্দুনা লমদম অসীদা মীয়ামগী লৈঙাক অমা থমগদবনি। মদূ নত্তদুনা মখা তানা মপূঙফাবা পি আর থম্লক্তুনা ষ্টেট লেজিসলেটিব এসেমব্লি অসী মূত্থৎখিবা তারবদি মীয়াম্না তুমিন্না খাঙদুনা লৈবা ঙম্লোই। মতমদুদা পি আর লাকপগী তেকচাক পূম্নমক এম এল এ, মিনিষ্টরশিংনা পুগদবনি হায়না মৈরা পায়বী ঈমাশিংনা অকনবা ৱাফম ফোঙদোকখ্রে।
থা অসীগী ১৫ দা নোংপোক শঞ্জেনবম খূনৌদা লৈবা ঈমা পোলোইলৈমা শঙলেন্দা নোংপোক শঞ্জেনবম অপূনবা মৈরা পায়বী লূপ্না শীন্দূনা ৱাকৎ মীফম ফম্লবা মতূঙ খোল্লাউ কয়াগা লোয়ননা মীয়ামগী খোঙচৎ অমসু চৎখিবা থৌরমদা ঈমাশিংনা ৱাফমশিং অসি ফোঙদোকখিবনি।
ঈমাশিং অদুনা মনিপুরগী চিফ মিনিষ্টর খূদক্তা খনগদবনি, থোক্লিবা হীঙশাগী ঈরাং অসী অথূবদা লোইশিল্লু, খুল ঙাক্লিবা ঈচাশিং সেক্যুরিটি ফোর্স না ফাবা, পুনবা য়ারোই, ঈরাং অসী লোইশিন্দ্রিঙৈদা চিফ মিনিষ্টর নোংথোম্বম বিরেন্না ফম থাদোকপা য়ানিংদে, প্রসিদেন্ট রুল খূদক্তা হন্দোক্কদবনি হায়বা খোল্লাউশিং লাউখি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না