কুকিশিংনা সেপরেট এদমিনিষ্ট্রেসনগী দাবী হেন্না কন্সীলহনবা ওইনা দিল্লি অমসুং মনিপুরদা রেল্লি চৎকদৌরি

কুকি- জো কম্যুনিটিনা মনিপুরদগী তোখাইবা লম শরুক অমা কোত্থোক্ল গা লেজিসলেচর য়াওবা, য়ুনিয়ন টেরিটোরিগা চপ মান্নরবা সেপরেট এদমিনিষ্ট্রেসন গী দাবী তৌদুনা লাক্লিবা অদূ হেন্না কন্সীলহন্ননবা পান্দমদা থা অসীগী ১৮ দা মনিপুর অমসুং দিল্লিদা মীয়ামগী অচৌবা রেল্লি অমা শীনগদৌরি। মসীগী মতাংদা কুকি-জো কাউন্সিলনা শীন্দুনা থা অসীগী ৮ অমসুং ১১ দা মীফম অমা ফমদুনা ৱারেপশিং লৌখ্রে হায়রি।দিষ্ট্রিক্ট খূদিঙমক্কি ওইনা চপ মান্নবা দিমান্দ তৌদুনা মরী লৈনবা দিপ্যুটি কম্মিস্নারশিংগী খূত্থাঙদা য়ুনিয়ন হোম মিনিষ্টরদা মেম্মোরেন্দম অমা পীশীন্ননবসু থৌরাং তৌখ্রে হায়রি।

মীফম অদূগী ৱারেপ মতূঙ ইন্না, চুরাচান্দপুর দিষ্ট্রিক্টতা চঙশীনগদবা মীয়ামগী রেল্লিদা আই টি এল এফনা লুচিংগদৌরি। মতৌ অসূম্না কাংপোকপিদা কোতু না, ফেরজোলদা ইন্দিজেনস ট্রাইব্স এদভোকেসি কম্মিটি (আই টি এ সি), জিরিবামদা কুকি ইনপী জিরিবাম অমসুং কুকি-জো ৱিমেন এসোসিয়েসননা লুচিংগনি।তমেংলোং, তেংনৌপল, নোনেদা কুকি- ইনপী তেংনৌপল অমসুং হীল ট্রাইবেল কাউন্সিলনা মাঙজিল থাবা মরু ওইবা থৌদাংশিং লৌগনি।

চান্দেল দিষ্ট্রিক্ট তা কুকি ঈনপি, চান্দেলনা, অদূগা দিল্লি অমসুং এন সি আরদা পাঙথোক্কদবা মীয়ামগী রেল্লিদনা কুকি ষ্টূদেন্টস ওরগনাইজেসন, দিল্লি অমসুং এন সি আরনা মরূওইবা থৌদাংশিং লৌদূনা রেল্লি অসী মপূঙফানা মায় পাকহন্ননবা হোৎনগদবনি হায়না অকনবা ইন্সট্রক্সন পীখ্রে হায়রি। কুকি-জো কম্যুনিটিগী ওইবা য়ুনিটি অমদি রেজিষ্টেন্সকি সিম্বোল অমা ওইনা প্রোটেষ্টরশিংনা রেল্লি চৎপা মতমদা অমুবা মচুগী ফীজোল শেৎনবসু খঙহনখি হায়রি।