চিফ মিনিষ্টর নোংথোম্বম বিরেন ঈখঙ খঙহৌদনা ঙরাং মহাক্কি বাংলোদা বি জে পিগী এম এল এ খরগা উনরবা মতূঙদা ইম্ফালগী রাজ ভাবন্দা চত্তুনা চিফ মিনিষ্টর ফম থাদোকচরগে হায়না গভর্নরদা মহাক্কি রেজিগনেসন লেট্টর পীশিনখ্রে। বি জে পি মনিপুর প্রদেসকি প্রসিদেন্ট অধিকারিময়ূম সার্দা, বি জে পি লুচিংবা শম্বিট পত্রা অমসুং পার্টি অসিগী এম এল এ কয়াসু চিফ মিনিষ্টরগা লোয়ননা রাজ ভবন্দা চৎমিন্নখি।
মহাক্কি রেজিগনেসন লেট্টর অদূ গভর্নর অজয় কুমার ভল্লানা অয়াবা পীখ্রে। অদূম ওইনমক অনৌবা চিফ মিনিষ্টর অমা হাপত্রিফাওবা ক্যের টেকর চিফ মিনিষ্টর ওইনা মখাতানা থৌ পুখিনবা গভর্নরনা খঙহনখ্রে।
চৈরকশিদা ঙসি ফেব্রুয়ারি ১০ দগী চত্থবা হৌগনি হায়না থৌরাং তৌরম্বা ১২ শুবা মনিপুর লেজিসলেটিব এসেমব্লিগী ৭ শুবা সেসন অদূ চৎনররোই, নল এন্দ ভোইদ ওইরগনি হায়না মনিপুর লেজিসলেটিব এসেমব্লিগী সেক্রেটরি কে মেঘজিৎনা গভর্নরগী ওর্দর পল্লদুনা চেরোল অমা থাদোরকখ্রে। চিফ মিনিষ্টর অসী ঙরাং ন্যু দিল্লিদগী বি জে পি লিদর সম্বিট পত্রাগা লোয়ননা ইম্ফালদা হল্লকখ্রবা মতূঙদা মহাক্কি পার্টিগী এম এল এশিংগা চিফ মিনিষ্টর সেক্রেটরিয়েত্তা অথূবা মীফম অমা পাঙথোকখি। মদূগী তুংদা চিফ মিনিষ্টর ফম থাদোকপগী রেজিগনেসন লেট্টর অদূ গভর্নরদা পীশিনখিবা অদুদা সম্বিট পত্রাসু শরূক য়াখিবনি।
You may also like
-
মীচম কয়ামরুম শোক্লে,এম পি এগী কাদরশিং পুথোকখ্রে
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি