থা অসীগী ২৮ গী অয়ূক্তা ইম্ফাল ইষ্ট দিষ্ট্রিক্টকি লম্লাই কেন্দ্র মনূংচন্না লৈরিবা থম্নাপোকপী, সবুংখোক, শান্তিখোঙবান এরিয়াগী মনীংথংবা চীঙগী শরূক্তা লৈরিবা উয়োকচীঙ অমসুং তুইচেম ভিল্লেজ মায়কৈদগী কুকি- মিলিটেন্টশিং না বোম, নোংমৈ নচিংবা নৌহৌননা কাপথরকখিবা থৌদোক্তা ওইথংবা খোঙদা স্নাইপর মরূনা পান্দুনা মখোঙদা নোংমৈ মরূ অদূ চঙদুনা লৈখিবদগী ইম্ফালগী নোরথ এ ও সিদা লৈরিবা রাজ মেদিসিটিদা লায়কন্নদুনা লৈরিবা ভিদিও জর্নেলিষ্ট লৈমপোকপম কবিচন্দ্র এলাইজ কবিগী লায়েংবদা মতেং ওইননবা লাইক মাইন্ডেদ গ্ৰুপ ( এল এম জি) মনিপুরনা রাজ মেদিসিটিদা চত্তুনা কবিগী মফমদা লূপা ১০,০০০ মতেং পাংখ্রে।
দেমোক্রেসিগী মরিশুবা য়ূম্বীনি হায়রিবা প্রেসকি মীওইনি হায়বা খঙননবা প্রেস হায়না অচৌবা ময়েক্না মাঙ-তুং অনিমক্তা ইরবা ভেষ্ট লীত্তুনা মীয়ামদা মরীক চূম্বা পাউ পীননবা থবক তৌরিবা জর্নেলিষ্ট অমদা খঙনা খঙনা খূৎ থারক্লিবা কুকি মিলিটেন্টশিংগী থৌওং য়াবা ঙম্লোই, লৈঙাক্নসু কবিগী লায়েংবদা চঙবা এক্সপেন্দিচর পূম্নমক পুথোকফম থোকপনি,পুথোক্কদবনি হায়না এল এম জিগী সেক্রেটরি ওজিৎ সোরোকখাইবম্না ফোঙদোকখি।
কবিচন্দ্রগী খোঙদা চঙখ্রবা স্নাইপর মরূ অদূ হৌখিবা দিসেম্বর ২৮গী নুংথিল পূং অহূম তাবদা ওপরেসন তৌদুনা লৌথোকপা ঙমখ্রে । মহাক কা হেন্না খুদোংথীনিঙায় ওইদ্রে হায়রি।কবিচন্দ্র ইম্ফাল ইষ্ট দিষ্ট্রিক্ট কি খূরায় কোংপাল মমাঙ শাবল লৈকায়দগীনি। মহাক ইম্পেক্ট টি ভিগী ভিডিও জর্নেলিষ্ট ওইনা লৈবনি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না