চিফ মিনিষ্টর এন বিরেন্না ঙরাং ইম্ফাল ইষ্ট দিষ্ট্রিক্ট মনূং চন্না লৈরিবা ৱাইরি পাঙ্গৈদা চত্তুনা মফম অদূদা লৈরিবা মনিপুর পুলিশ ফয়ারিং রেঞ্জ গী ফিভম য়েংশিনখিবগা লোয়ননা টেম্পরেরি বারেকশিং শেমগৎ-শাগৎলিবা অদুদসু চঙশীন্দুনা য়েংশিনখ্রে। খোঙচৎ অদুগা মরী লৈননা চিফ মিনিষ্টর না পাউমীশিংদা হায়, হন্দক আসামগী পুলিস ট্রেনিং একাদেমিদগী মপূংফানা ট্রেনিং লোইরবা ১০ শুবা অমসুং ১১ শুবা ইন্দিয়া রিজার্ব বট্টালিয়নগী পার্সনেল ১৯৪৬ লোম পাস আউট তৌরক্লে। মখোয়শিং অসী মরুওইনা নেস্নেল হায়ৱেশিং ঙাক শেন্দুনা মীয়াম অমসুং পোৎ-চৈ পুবা গারিশিং অপন- অরাক অমত্তা লৈহন্দনা চত্থোক চৎশীন তৌবদা ঙাক শেন্ননবা পান্দমদা লৌখিবনি।
মনিপুরগী হৌজিক লৈরিবা লো এন্দ ওর্দরগী ফিভমশিং নীংথীনা মেন্টেইন তৌননবা হোৎনবদসু পার্সনেলশিং অসী শীজিন্নগনি। নৌনা রিক্রূট তৌদুনা ট্রেনিং লোইরক্লবা পার্সনেলশিং অমসুং মখোয়গী অহল-লম্মন, মরী- মতাশিংনা ঈরাঙ লৈতবা, নুঙাইবা মফমশিংদা পোষ্টিং পীবিয়ু হায়দুনা ৱাচৎ-ৱানোম্বগী থবক্তি কৈদৌনুংদা তৌবিরক্কনু হায়না ফোঙদোকখি।
নহা ওইরিবা পার্সনেলশিং অসী ষ্টেট অমসুং নেসন অসিগী সেবা তৌননবনি হায়বসি ষ্টেকহোল্ডর পূম্নমক্না খঙবিগদবনি হায়খি। মনিপুরগী হীংশাগী ঈরাঙ অসীদা খুদোংচাদবা মায়োক্নরগা লৈরিবা ঈমূং খরদি মহৈলোয়শঙশিংদা হাংবা রিলিফ কেম্প খরদা ঙসিফাওবা লৈবা য়াওরি। মখোয় অথূবা মতমদা প্রি ফেব্রিকেটেদ হাওসশিংদা হোংজিলহন্ননবা লৈঙাক্না থৌরাং তৌরি হায়না চিফ মিনিষ্টর না মখাতানা ফোঙদোকখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে