মমাঙ চহী ২০২৩ দা মনিপুরগী ওইনা সেক্যুরিটিগী অৱাৎপা কয়া লৈবদগী ষ্টেট লৈঙাক্না সেন্টরদা তক্নবদগী ১০ শুবা অমসুং ১১শুবা ইন্দিয়া রিজার্ব বট্টালিয়ন ( আই আর বি) অনী থম্ননবগী অয়াবা পীরকখিবগা লোয়ননা খল্লবা আই আর বি পার্সনেলশিং অদূ ট্রেনিং তৌহন্নবগীদমক ইন্দিয়ান এয়র ফোর্সকি অখন্নবা ফ্লাইটতা পুদুনা আসামদা চহী অমা ট্রেনিং মপূঙফানা চত্থরক্লবা মতূংদা থা অসীগী ২৩ দা মখোয়গী পাসিং আউট পেরদ পাঙথোকখ্রে। মনিপুরদা লো এন্দ ওর্দরগী ফীভম ফত্তবা অমসুং হৌজিক মায়োক্নরিবা হীঙশাগী ঈরাং অসীনা মরম ওইরগা ট্রেনিং চত্থবদা খুদোং চারোইদবা মরম্না আসামগী দেরাগাউন্দা লৈবা লচিৎ বরফুকন পুলিস ট্রেনিং একাদেমিদা আই আর বি পার্সনেল ১৭০০ অদু ট্রেনিং চত্থদুনা লাকখিবনি।
মখোয়শিংদু মপূঙ ফানা ট্রেনিং লোইরদুনা থা অসীগী ২৩ দা পাঙথোকখিবা পাসিং আউট পেরদ অদুদা মনিপুরগী চিফ মিনিষ্টর এন বিরেন, আসামগী সি এম হিমন্ত বিশ্বা শর্মা, ষ্টেট অনীগী এম এল এ শিং, মনিপুর পুলিসকি মকোকথোংবা ওফিসারশিং শরুক য়াখি। আই আর বি পার্সনেলশিং অসীগী ট্রেনিং পাঙথোক্নবগী মতাংদা হায়জরুবদা চিফ মিনিষ্টর হিমন্ত বিশ্বা শর্মনা হরাওনা য়াবিরক্তুনা আই আর বি পার্সনেলশিং ঙসিদি আসামদা পাসিং আউট পেরদ পাঙথোক্লে। মসীগীদমক আসামগী চিফ মিনিষ্টর অসিগী লমন তোনশিল্লবনি হায়না বিরেন্না থৌরমদুদা ফোঙদোকখি।
ট্রেনিং লোইরবা পার্সনেলশিং অদূ মশা মশানা মথক্কি লম্বীদা লাক্ননবা থৌরাং তৌরিব্রা নত্রগা ষ্টেট লৈঙাক্না পূল্লপ ওইনা পুথোরক্নবা হোৎনরিব্রা হায়বা লৈখাই তাদ্রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে