মনিপুরদা কুকি- জো কাঙলূপকি মিলিটেন্টশিংনা হীংশাগী ঈরাং চত্থরক্লিবা অসীবু কাঙলূপ অনীগী মরক্তা থোকপা ঈরাং অমা ওইনা উহন্ননবা অমসুং মপান্দগী লোন্না, আইনগী ৱাংমদা চঙশীল্লকপা ফোরেন মাইগরেন্টশিংনা চত্থরক্লিবা মীহাৎ-মীপুন কয়া অসীবু জষ্টিফাই তৌহন্ননবগী ৱাখল্লোন অমদা মিজোরামদগী হৌজিক রাজ্য সভাগী মেম্বর ওইনা লৈরিবা কে ভনলালবেনা কৌবা মীওই অমনা মনিপুরগী ইস্যু অসী লোইশিলহনগে হায়রবদি মৈতৈ অমসুং কুকি-জো কাঙলূপ অনীগী তোঙান তোঙানবা লম দিমারকেসন তৌদুনা সেন্টরনা য়েংশিল্লবা মতূংদা সেপরেট এদমিনিষ্ট্রেটিব য়ুনিটশিং শেম্বিগদবনি, মদূ নত্রিফাও লান অসি লোইগদবা লৈতে হায়না ফোঙদোকখিবদু য়াম্না কা হেঞ্জিনবা ৱাঙাঙনি হায়না ইনিংথৌ লৈশেম্বা সনাজাউবনা অকনবা ৱাফম ফোঙদোকখ্রে।
মহাক্কি ৱাফম অদু মথৌ শূকনৎ নত্তনা, মরী লৈনদবদা অতোপ্পা মীগী মনূংগী ইস্যুদা খূৎ থিংজিন্দুনা খাবৈ-খারা শাবনি হায়না মনিপুরগী রাজ্য সভাগী এম পি অমসু ওইরিবা নিংথৌ সনাজাউবনা ফোঙদোকখি। অফবা য়ূমথঙনবা মী অমা ওইনা নুংশি-চান্ননা লৈমিন্নসি, অফবা য়ূম্লোন্নবা মী অমা ওইয়ু হায়না সনাজাউবনা খূৎ থিন্দু না অকনবা ৱাফম ফোঙদোকখি।
নশাগী ষ্টেটকি ইস্যুদা ৱা ঙাঙঙু, মীগী ইস্যুদা ক্রোস তৌশিন্দুনা মথৌ শাগনু হায়না মনিপুরগী রাজ্য সভাগী এম পি ইনীংথৌ অসীনা মতীকচাবা মওংদা রিএক্ট তৌখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে