মনিপুর লেজিসলেটিভ এসেমব্লিগী মেম্বর ওইনা হৌজিক লৈরিবা কুকি-জো কাঙলূপকি এম এল এ, মিনিষ্টর তরা অসীনা ষ্টেটকি চিফ মিনিষ্টর নোংথোম্বম বিরেন মফম লৌথোকউ, মনিপুরদা চিন-কুকি-জো ফূরূপকি তোঙানবা সেপরেট এদমিনিষ্ট্রেসনগা লোয়নবা, নাখৈশেংবা টেরিটোরি অমা পীগদবনি হায়বা দিমান্দ তৌরদুনা লাক্লিবা দিসেম্বর থাগী অহানবা চয়োলদা দিল্লিগী জন্টর মন্তরদা অকনবা খোঙজঙ চঙশিন্ননবা শেম শাখ্রে।
হীন্দুষ্টান টাইমসকি রিপোর্ট অমদা ৱাফম অসী ফোঙদোরকখিবনি। হৌখিবা নবেম্বর ২০ দা চুরাচান্দপুরদা অপূনবা মীয়ামগী মীফম অমদা অমত্তা ওইনা লৌখিবা ৱারেপকি মতূং ইন্না জন্টর-মন্তরদা এম এল এ, মিনিষ্টর তরা অসীনা মখোয়গী খোঙজঙ অদূ চঙশীনগদবনি হায়রি। কুকি-জো ফূরুপকি এম এল এ, মিনিষ্টর তরা অসীগী মনূংদা তরেৎনা বি জে পিগীনি। নবেম্বর ২০ দা চুরাচান্দ পুরদা পাঙথোকখিবা মীফম অদুদা এম এল এ, মিনিষ্টর তরা অসীগী মথক্তা কুকি-জো কাঙলূপকি সি এস ওশিং, সস্পেন্সন ওফ ওপরেসন (সূ) চৎনদুনা লৈরিবা কুকি-জোগী তোঙান তোঙানবা খূৎলায় পায়বা মিলিটেন্টশিংগী ওরগনাইজেসন ২৫ শু শরুক য়াখি হায়রি।
মীফম অদুদা মীয়াম্না লৌখিবা ৱারেপকি মতূং ইন্না জন্টর-মন্তরদা এম এল এ অমদি মিনিষ্টর শিং অদুনা অকনবা খোঙজঙ অদূ চত্থগদবনি হায়রি। খোঙজঙ অদুগীদমক হৌজিক দিল্লিদা এম এল এ খরা লৈখ্রে। লেমহৌরিবশিংসু মনিপুরদগী আইজোল ফাওবা চৎলবা মতূংদা আইজোলদগী দিল্লিদা অমুক য়ৌখিনবা থৌরাং তৌরি হায়না নেস্নেল পেপর অসীদা ফোঙদোকখি।
You may also like
-
মীচমগী য়ূমদা বোম লংশিনবা য়ানীংদে হায়বগী ৱাকৎ মীফম চত্থখ্রে
-
আই দি পিশিং মশাগী খুঙ্গংশিংদা হঞ্জিলহন্নবগী মতাঙদা লৈঙাক্কি মীফম পাঙথোকখ্রে
-
চিফ মিনিষ্টর য়ূম্নাম খেমচান্দ ঙরাং গুৱাহাটি দা থুংখ্রে, দিপ্যুটি সি এম অনীসু লোয়নরি
-
ৱাটর সপ্লাই স্কিম অথূবদা লোইশিন্দুনা মীয়ামদা থক্নবা ঈশীং ফংহন্দ্রবদি অকনবা খোঙজঙ চঙশীল্লগনি: এএয়ু
-
থবক কন্না শুদুনা, ঐখোয় মশেল মতেঙ পাংনদুনা পূন্না হিংমিন্নসি : তোম্বা