মনিপুর হায় কোর্টকি চিফ জষ্টিস ওইনা হৌজিক থৌ পুদুনা লৈরিবা জষ্টিস সিদারথা ম্রিদ্যুল অসী লাক্লিবা নবেম্বর ২১ দা থবক্তগী পোত্থাখ্রগনি। চৈরকশিদা সুপ্রিম কোর্টকি চিফ জষ্টিস সঞ্জিব খন্না, জষ্টিস ভুসন আর গাভাই অমসুং জষ্টিস সুর্জকান্ট গী কোল্লেজিয়ম অমনা মাদ্রাজ হায় কোর্টকি সেনিয়র- মোষ্ট জজ ওইনা হৌজিক লৈরিবা জষ্টিস দি ক্রিষ্ণকুমারবু মনিপুর হায় কোর্টকি হাঙহৌরগদবা চিফ জষ্টিসকি ফম অসীগীদমক এপ্পোইন্ট তৌননবা রিজোল্যুসন লৌখিবগা লোয়ননা মরী লৈনবা সেন্টর লৈঙাক্তা রিক্কমেন্দ তৌখ্রে।
জষ্টিস দি ক্রিষ্ণকুমারনা মতম শাংলবা এক্সপিরিয়েন্স কা লোয়ননা কন্সটিট্যুস্নেল মেটরশিং, সর্বিস লো, সিভিল মেত্তরশিংদা থেংনদুনা লাকখিবদা মায় পাক্না অমসুং মপূংফানা থবক পায়খৎপা ঙম্বগী ফজরবা রেকোর্দ কয়া লৈরবা জষ্টিস অমনি হায়না কোল্লেজিয়ম অসিনা মসীগী রিজোল্যুসন অদুদা ফোঙদোকখি।
লাক্লিবা কুমশিং ২০২৫ গী মে থাদা থবক্তগী পোত্থারগদবা মরম্না দি ক্রিষ্ণকুমারনা মনিপুর হায় কোর্টকি চিফ জষ্টিস ওইনা লৈগদৌরিবা মতম অসী কাহেন্না শাংলরোই হায়রি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা