চৎলিবা নবেম্বর থা অসীগী ১৪ দা য়ূনিয়ন হোম এফ্যের্স মিনিষ্ট্রিনা থোকখিবা নোটিফিকেসন নম্বর এস. ও. ৪৯২১( ই) দেটেদ ১৪-১১-২০২৪ গী মখাদা মনিপুরগী তোঙান তোঙানবা পুলিস ষ্টেসন তরূক্না কোনবা মফমশিংদা নৌহৌননা দিষ্টর্ব এরিয়া ষ্টেটস থমজিল্লক্তুনা, মালেমগী মীয়াম্না য়াম্না কন্না য়ানীংদ্রবা আর্ম ফোর্সেস স্পেসিয়েল পৱার্স এক্ট, ১৯৫৮ চল্লাইরকখিবা থৌওং অদূ মনিপুরদা হৌজিক থোক্লিবা কাঙলূপকি ঈরাং অসীগী চৈরক্তা খ্বায়দগী চান্নদ্রবা খোঙথাঙ অমনি হায়না ষ্টেট লৈঙাক্না য়ানিংদবা ফোঙদোরকখিবগা লোয়ননা সেন্টরগী খোঙথাঙ অদু খূদক্তা রিভ্যু তৌদুনা হন্দোকপিনবা চেরোল ইদুনা থাখ্রে।
ষ্টেট লৈঙাক্কি জোইন্ট সেক্রেটরি (হোম) দা. ময়েংবম ভেটো সিংহনা খূৎয়েক পীদুনা ইন্দিয়া লৈঙাক্কি হোম এফ্যের্স মিনিষ্ট্রিগী সেক্রেটরিদা ইদুনা থাখিবা চেরোল অদুদা পল্লিবা মরুওইবা ৱারোলদি, অয়াম্বনা তম্পাক্কি ওইনা তৌবা পুলিস ষ্টেসন তরূক্না কোল্লিবা মফমশিংদা নৌহৌননা দিষ্টর্ব এরিয়া ষ্টেটস থমজিল্লক্তুনা সেন্টরনা চত্থরক্লিবা খোঙথাঙ অসীগী মরমদা ষ্টেট কেবিনেট মীফম অমা অখন্ননা কৌদুনা কূপ্না খন্নরবা মতূংদা রিভ্যু তৌবিননবা তকশীন্ননবা য়ানখিবনি হায়রি।
মনিপুর মীয়ামগী সেন্টিমেন্ট য়েংবিদুনা সেন্টর লৈঙাক্কি নোটিফিকেসন অদূ অমূক হন্না খন্নবিরগা হন্দোকপিয়ু হায়না ফোঙদোকখি। আফস্পা নৌনা থমজিল্লকখ্রবা পুলিস ষ্টেসন শিং অদুদি- শেকমাই, লমশাং, লম্লাই, জিরিবাম, লৈমখোং অমসুং মোইরাং পুলিস ষ্টেসনশিংনি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে