মনিপুরদা মপান্দগী লোন্না চঙশীল্লকখিবা চিন-কুকি নার্কো-টেরোরিষ্টশিংনা মমাঙ চহী ২০২৩ গী মে অহূমদগী ঙসীফাওবা লেপ্তনা হীংশা তৌরক্তুনা নোংমা কাংদনা মৈতৈ ফূরূপকি নূপী অঙাংফাওবা অমত্তা খাক্তনা হাৎপা, য়ূম দুকান্নচিংবা মৈ থাবগী থবক চত্থরকপগী চাং নোংমা নোংমগী হেঙ্গৎলক্লি। চৈরকশিদা, চৎলিবা নবেম্বর থা অসীগী ১১ দা জিরিবামগী বোরোবেক্রা পুলিস ষ্টেশন মনূংচনবা জাকুরাধোর খুঙ্গংদগী অঙাঙ অহুম, নূপী অহুম-পূন্না মীওই তরুক কিদনেপ তৌদুনা পুখিবদগী ঙসীফাওবা থাদোরক্ট্রিবগী মতাংদা সেন্টর অমসুং ষ্টেট লৈঙাকশিংনা মাঙখ্রবশিং থিদোক্তুনা মীয়াম অমদি ঈমূং-মনূংগী মীওইশিংদা খূৎশিন্নবা ঙমদবা অমসুং ঈরাং অসী লোইশিন্ননবা থৌরাং পায়খৎপা ঙমদবগী মায়োক্তা য়ানিংদবা ফোঙদোক্তুনা লমদম অসীগী লূপ ১৩ না কৌখিবা সটদাওন্না মীয়ামগী মহৌশাগী পুন্সিদা চাউনা অকায়বা পীখ্রে।
ইপসা, পান্দম, অকোম লূপ, কে এস এ, ঈপাক, কংলামৈ, কিল, এল এল কে, লোয়ালূপ, এস দব্লিয়ু এ, মিকল, অকশিল অমসুং ঈ আর দি ওনা তম্পাক্কি দিষ্ট্রিক্টশিংদা কৌখিবা পূং ২৪ গী সটদাওন্না মীয়ামগী মহৌশাগী পুন্সিদা খম থেংনা চৈথেং পীখি। সটদাওন অসীনা তম্পাক্কি দিষ্ট্রিক্টশিংগা শম্নরিবা লম্বীশিংদা ইসেন্সিয়েল সার্বিসকা মরী লৈনবশিং নত্তনা খোঙনা অমসুং গারিনা লম্বীশিংদা চত্থোক-চৎশীন অমত্তা তৌনখিদ্রে।
কৈথেল অমসুং দুকানশিং লোয়ননা বিজিনেস ইষ্টাব্লিসমেন্ট অমত্তা থোঙ হাংনখিদে। স্কুল-কোলেজশিং খুন্তাক লান্সিবগা চপ মান্নখি। বেঙ্ক, ওইল পম্পশিং অমদি লন্নাই ফার্মাসিশিংসু থোঙ হাংনখিদ্রে।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা