আসাম, ট্রিপুরা, মনিপুর অপূনবা লূপ, ন্যু দিল্লিগী ফাউন্দেসন দেগী থৌরম থা অসীগী ১০ দা পাঙথোকখীবগা লোয়ননা নিঙোলশিং চাক্কৌবগী থৌরম অমসু পাঙথোকখ্রে। দিল্লিগী নোরথ এভিন্যুদা লৈবা এম্পিস ক্লবতা পাঙথোকখিবা ফাউন্দেসন দে অমসুং নিঙোলশিং চাক্কৌবগী থৌরম অদুদা নেস্নেল অমসুং ইন্টর্নেস্নেল সেপাকটাক্রোগী কোচ অমা ওইনা লৈরিবা বুধিমুখি সিংহনা থৌরম মপূ ওইখিবগা লোয়ননা দা. মাইমোম শান্তিকুমার সিংহনা অথোয়বা মীথূংলেন ওইনা শরুক য়াখি।
থৌরম অদূ হৌদোকখিবদা হৌখিবা চহী ২০২৩ গী মে অহূমদগী মনিপুরদা চিন-কুকি নার্কো- টেরোরিষ্টশিংনা মৈতৈদা খৎনবা হৌরকপগী থৌওংশিং চত্থবা, অকনবা মওংদা এত্তেক চত্থরকপদগী লৈবাক্কিদমক থৱায় কৎখ্রবা অথৌবশিংগী মফমদা ঈকিয়খুম্নবা ঊত্তুনা মিনিট অনি তুমিন্না লেপ্তুনা লৈনখি। ঐখোয়না ঈরমদম ঈরৈপাক অসীগীদমক হনবা নাইদনা লেপখিগনি।
মনিপুরবু মচেৎ তাহন্ননবা হোৎনরকপা শক্তি খূদীংমক ঐখোয়না মায়োক্নদূনা ঙসীফাওবা লাক্লি, মতূংদসু কৈদৌনুংদা মায় পাকহল্লোই। এ টি এম এ এল নসু মনিপুরগী অপূনবা শক্তম ঙাক্ননবা, ঙমখৈ কায়বা য়ারোই হায়দুনা ঙসীফাওবা চঙশীন্দূনা লাক্লি হায়না অথোয়বা মীথূংলেন ওইনা শরুক য়াখিবা দা. শান্টিকুমারনা ফোঙদোকখি। ওজা ১২০ হেনবনা শরুক য়াখিবা থৌরমদু লোইশিল্লকপদা নিঙোলশিংনা পূন্না থাবল চোংমিন্নখি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর