চৎলিবা থা অসীগী ১১ দা আগর্টালা গভর্নমেন্ট মেদিকেল কল্লেজ এন্দ জি বি পান্ট হোস্পিটালগী দাক্তরশিংগা লোয়ননা মায় পাক্না কিদনি ট্রান্সপ্লান্ট তৌবা ঙমখিবদা শীজা হোস্পিটালস এন্দ রিছার্স ইন্সটিটিউট ( শ্রি) লাঙ্গোল, ইম্ফালনা নুঙাইবা, অপেনবা ফোঙদোকখ্রে।
শ্রিগী স্পেসিয়েলিষ্ট দাক্তর ১০ য়াওখিবা টিম অমগা লোয়ননা আগর্টালাদা লৈরিবা এ জি এম সি এন্দ জি বি পান্ট হোস্পিটালগী দেদিকেটেদ ওইরবা দাক্তরশিংগী টিম না হোস্পিটাল অদূদা মায় পাক্না পাঙথোকখিবা কিদনি ট্রান্সপ্লান্টকি থৌওং অসীনা আগর্টালাগী ওইনদি অনীশুবনি হায়রি। অৱাং নোংপোক লমদমগী ওইনসু মায় পাক্না কিদনি ট্রান্সপ্লান্ট তৌবা ঙম্বগী য়াম্না চাউথোকচনিঙাই ওইরবা মাইলষ্টোন অমা ওইরে হায়না শ্রি গী কন্সল্টেন্ট য়ুরোলোজিষ্ট দা. সোমোরেন্দ্রো পাউনম্না অপেনবা ফোঙদোকখ্রে।
মতূং তারকপা মতমদদি এ জি এম সি এন্দ জি বি পান্ট হোস্পিটাল, আগর্টালাগী দাক্তরশিংনা মরোমদোম মায় পাক্না কিদনি ট্রান্সপ্লান্ট তৌবা ঙম্লগনি হায়বগী অচেৎপা থাজবা লৈরে হায়না মহাক্না অপেনবা অমসুং থাজবা ফোঙদোকখি। মশাগী চহী ২৮ লোম শুরবা মীওই অমদা মহাক্কি মরী-মতা অমনা দান তৌরকখিবা কিদনি অদূ মায় পাক্না ট্রান্সপ্লান্ট তৌখিবদা লৈঙাক্নসু দাক্তরশিংবু থাগৎপা ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর