চহী খূদিংগী মনিপুরগী তমেংলোং দিষ্ট্রিক্টতা নিংথমথা চঙলকপা মতম, ওক্তোবর অমসুং নবেম্বর থাদা পাইরক্তুনা চাক্তারম্লগা অমুক হন্না পাইখিবা মাইগ্ৰেটরি বার্দ মখল অমা ওইরিবা অমুর ফাল্কোন হৌজিক হৌজিকমক তমেংলোং দিষ্ট্রিক্ট কি অতিয়া শীন্থুংনা পাইরকপা হৌরে।
লৈবাক্কি ঙমখৈ ৱাংমা লান্না পাইথোক-পাইশিন তৌরিবা, লম-খুনুমুক চাউবা উচেক মখল অসি ফাবা, হাৎপনচিংবা তৌবা য়ারোই হায়না নুমিৎ খরনিগী মমাঙদা তমেংলোং দিষ্ট্রিক্ট কি দিপ্যুটি কম্মিস্নারনা অকনবা ওর্দর থোক্তুনা এয়র গন শীজিন্নবসু খুঙ্গং ২০ শীনবা থুংনা অথীংবা থমখিবনি। তমেংলোং ফোরেষ্ট দিভিজন, তমেংলোং দিষ্ট্রিক্ট পুলিস, রেনফোরেষ্ট ক্লব, তমেংলোং অমসুং তোঙান তোঙানবা ভিল্লেজ ভল্লন্টিয়রশিংনা খূৎশম্নদুনা অতাঙবা অমসুং ফজরবা উচেক মখল অসী খুঞ্জা অমত্তনা শাদানবগী থবক চত্থদনবা অকনবা চেকশীন-থৌরাংগা লোয়ননা ফুট পেট্রোলিং চৎপা হৌখ্রে।
লাক্লিবা নবেম্বরগী অহানবা চয়োলদদি উচেক মখল অসী হৌজিক উবা ফংলিবা মশীং অসীদগী শরুক অহুম হেন্না পাইরক্লগনি হায়রি। তমেংলোং ফোরেষ্ট দিভিজননা লাক্লিবা নবেম্বর ৮ দা মহৌশা চহী খূদিংগী পাঙথোক্তুনা লাকপগুম অমুর ফাল্কোন ফেষ্টিভেল পাঙথোক্ননবা শেম-শাবসু হৌরে হায়রি। উচেক মখল অসিনা মশীং য়াম্না চাক্তাগদৌরিবা দিষ্ট্রিক্ট অসীগী চিয়ুলান ভিল্লেজদা পুলিস, ফোরেষ্ট দিভিজন অমসুং ভিল্লেজ ভল্লন্টিয়রশিং খূৎশম্নরগা শাদানবগী থৌওংশিং থিংননবা ফুট পেট্রোলিং চৎপা হৌখ্রে হায়রি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে