মতম কয়াগী মমাঙদগী তোঙান তোঙানবা ক্বাক্তা মায়কৈগী মীয়াম অমসুং লূপশিংনা ক্বাক্তা প্রাইমারি হেল্থ সেন্টরগী অৱাৎপা ষ্টাফশিং হাপচীনবীয়ু হায়না তকশীন্দুনা লাকখ্রবসু ঙসীফাওবা ষ্টাফশিং হাপ্পিরক্তববু য়াম্না পেন্দবা ফোঙদোক্তুনা মোইরাং ক্বাক্তা মায়কৈগী তোঙান তোঙানবা লূপ মঙানা থা অসীগী তরাহুমদোইদগী মতম কক্তনা প্রাইমারি হেল্থ সেন্টর অদূ থোঙ থিংজিনখ্রে।
লূপ মঙা অদূদি, ওল ক্বাক্তা কোর্দিনেটিং কম্মিটি, এ এম পি ৱাই এ, এ কে ৱাই ভি ও, এ এন জে য়ু এম এ এন অমসুং জামিয়াটুল উলমানি। ওল ক্বাক্তা কোর্দিনেটিং কম্মিটিগী মেদিয়া কোর্দিনেটর ওইনা লৈরিবা মোহম্মদ অব্দুলনা ফোঙদোরকখিবগী মতূং ইন্না, মতম কয়াগী মমাঙদগী প্রাইমারি হেল্থ সেন্টর অসীগী অৱাৎপা মেদিকেল ওফিসার অমসুং নর্সনচিংবা থাবিরক্নবা লৈঙাক্কি মরী লৈনবা অথোরিটিদা হায়জদুনা লাক্লবসু ঙসীফাওবা থবক্তা ওন্থোকপিরক্তবদগী সেন্টর অসী থোঙ থিংবগী থবক চত্থরকপনি।
করিগুম্বা লাক্লিবা নুমিৎ মঙা তরুক্নি অসীগী মনূংদা লৈঙাক্কি মায়কৈদগী অৱাৎপা ষ্টাফশিং থারক্তবা তারবদি টিদিম লম্বী বন্দ তৌবগী খোঙজঙ মতম কক্তনা চত্থরগনি হায়খি।
You may also like
-
পুলিস ফোর্স তা অহোংবা লৈহন্দুনা অৱাং নোংপোক্তা লৈরিবা লালহৌবগী ঈরাং লোইশিন্ননবা হোৎনরগনি: অমিট শাহা
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা