ইম্ফাল সেপ্তেম্বর ২৩: দিল্লি লিকর পোলিসি স্কামগা মরী লৈননা জুদিসিয়েল কষ্টদিদা লৈরুবদগী বেলদা থোক্লকখ্রবা নেস্নেল কেপিটেল দিল্লিগী চিফ মিনিষ্টর আর্বিন্দ কেজ্রিৱালনা চিফ মিনিষ্টর ফম থাদোকখ্রবা মতূংদা অনৌবা চিফ মিনিষ্টর ওইনা, নেস্নেল কেপিটেল অসীগী ৱাটর রিছোর্সেস মীনিষ্টর ওইনা লৈরকখিবি অটিসি বু হৌখিবা থাংজা নুমিত্তা ৱাশক লৌখ্রে। আর্বিন্দ কেজ্রিৱালনা হন্দক চিফ মিনিষ্টর ওইবদগী মফম থাদোকখ্রবা মতূংদা থা অসীগী ১৭ তা দিল্লি লৈঙাক্তা য়াওরিবা আম আদমি পার্টিগী লেজিসলেটিব পার্টিগী মীফম অমা পাঙথোক্তুনা অটিসিবু মখোয়গী লুচিংবী ওইনা খনখিবগা লোয়ননা দিল্লিগী লেফটেনেন্ট গভর্নর ভিনয় কুমার সক্সেনা না মহাকপু থবক পায়বা অমসুং অরোনবা ঙাকপগী ৱাশক লৌখিবনি।
দিল্লিদা লৈরিবা লেফটেনেন্ট গভর্নরগী রাজ নিৱাস তা পাঙথোকখিবা ৱাশক লৌবগী থৌরম অদুদা গোপাল রাই, কাইলাস ঘেলোট, সৌরভ ভরদ্বাজ, ইমরান হুসেন্ন চিংবা, হান্না কেজ্রিৱালগী মিনিষ্ট্রিদা য়াওরম্বা মিনিষ্টরশিংসু নৌনা ৱাশক লৌদুনা অটিসিগী মিনিষ্ট্রিদা হাপচিনখি। মহাক্কি অনৌবা মিনিষ্ট্রিদা অহানবা ওইনা, ঈনৌ নৌনা মুকেস অহলাৱৎপুসূ মিনিষ্টর ওইনা ৱাশক লৌখি।
মসীগা লোয়ননা অটিসীনা দিল্লিগী ইতিহাসতা অহুমশুবা নূপী চিফ মিনিষ্টর ওইখিবগা লোয়ননা খ্বাইদগী চহী নৌরিবা চিফ মিনিষ্টরসূ ওইরে।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা