পারলিয়ামেন্ট না পাস তৌরবা মতূঙদা লৈবাক অসীগী প্রসিদেন্টনা অয়াবা পীরদুনা এক্ট ওনখ্রবা ৱক্ফ এমেন্দমেন্ট এক্টকি মায়োক্তা য়াম্না অথূবা মতমগী মনূঙদা নেস্নেল কনফরেন্স ( এন সি) না লৈবাক অসীগী খ্বাইদগী চাউরবা ৱায়েল লোয়শঙ ওইনা লৈরিবা সুপ্রিম কোর্টতা ৱাকৎলগনি হায়রি।
এন সিগী চিফ স্পোক্সপার্সন অমসুং লেজিসলেটর টনবির সাদিকনা ঙরাং ৱাফম অসী ফোঙদোকখিবনি। শ্রিনগরগী জাদিবল কন্সটিট্যুয়েন্সিদগী মীখলদা মায় পাক্লকখিবা এম এল এ অসিনা হায়, এক্ট অসীনা মুস্লিমশিংগী লাইনিং লম্বীদা কন্সটিট্যুসন্না পীরিবা নীঙতম্বা কয়াদুদা য়াম্না শাথীনা খূৎ থিংজিল্লক্তুনা য়ৈখায়-থিনগাইবা থোকহনগনি।
পার্টিগী প্রসিদেন্ট ফরুক অব্দুল্লাহগী দিরেক্সন মতূঙ ইন্না, এন সিনা সুপ্রিম কোর্টতা রিট পেটিসন অমা ফাইল তৌরগনি, মফম অদুদা আইনগী ওইবা লাল অসী থেংনরগনি হায়না ঙরাং জম্মু কাস্মির এসেমব্লিগী মীফম নুমিদাংৱাইরমদা মতম কক্তনা য়ৈথোকখ্রবা মতূঙদা পাউমীশিংদা ৱা ঙাঙবদা সাদিক্না ফোঙদোকখি।
হৌখিবা নিংথৌকাবা নুমিত্তা চয়েৎননিঙায় ওইরবা ৱক্ফ এমেন্দমেন্ট এক্ট অসীগী মতাঙদা য়ানীঙদবা ফোঙদোক্লদুনা রুলিং এন সি অমসুং মপাঙ ওইনা চৎমিন্নরিবা পার্টিশিংনা সভাগী মীফম য়ৈথোক্ননবা তকশীল্লকপদা স্পিকর অব্দুল রাহিম্না য়াখিদ্রবা মতূঙদা জম্মু কাশ্মীরগী চত্থরকখিবা বদজেট সেসন অদূ নূমিৎ হুম্নি চূপ্না অপনবা কয়া থোক্তুনা, মীফমশিং পাঙথোকপদা অকায়বা থোক্তুনা লাকখিবনি।
You may also like
-
অসাম রাইফলসনা পল্লেলদা ঈ দান তৌখ্রে
-
প্লাষ্টিক্কি পোৎলমশিং থিংবগী খোঙজঙ হেন্না কন্সীল্লগনি: দি সি সুভাস
-
মোরেগী দুকানশিংদা রেইদ চত্থবদা য়াম্লবা য়ুঙাঙ, য়ুঙৌশিং ফাগৎপা ঙমখ্রে
-
মনিপুর পুলিস য়াওবা কম্বাইন সেক্যুরিটি ফোর্স পার্সনেলশিংনা কে সি পি (পি দব্লিয়ু জি) গী এক্তিব কাদর অমা ফাগৎপা ঙমখ্রে
-
সি এম ঐচ টি, পি এম জে এ ৱাই কার্দ শেম-শাবগী থৌরম পাঙথোকখ্রে