ককচীঙ দিষ্ট্রিক্টকি খা থংবা শরূক্তা লৈবা ৱাঙূ মমৈচীং অমসুং মোংয়াইচীংগী চীঙশাংগী শরূক্তা লোত্তুনা থম্লম্বা খূৎলায় কয়া সেক্যুরিটি ফোর্স কি কম্বাইন্ড টিম্না রিকোভর তৌখ্রে। মনিপুর পুলিশ কম্মান্দো অমসুং সেন্ট্রেল সেক্যুরিটি ফোর্স কি কম্বাইন্ড টিম্না, শকখঙদবশিংনা লোত্তুনা থম্লম্বা য়াম্লবা খূৎশু-খূৎলায় শিং অদূ অচৌবা চেঙ বোরাখাউদা হাপ্লগা লোৎশিন্দুনা থম্লম্বদগী জোইন্ট সর্স ওপরেসন চত্থবদা রিকোভর তৌবা ঙমখিবনি।
পাউগী অকক্নবা লীখূল অমা ফংবদগী মনিপুর পুলিশকি ককচীঙ দিষ্ট্রিক্ট পুলিস কম্মান্দোশিং, মহার রেজিমেন্ট, বোর্দর সেক্যুরিটি ফোর্স অমসুং আসাম রাইফলসকি কম্বাইন্ড সেক্যুরিটি টিম্না মফম অদুদা ওপরেসন চত্থবদা সিঙ্গল বেরেল রাইফল অমা, অহাঙবা মেগজিন য়াওবা সেল্ফ-লোদ্দিং রাইফল অমা, হায়- এক্সপ্লোসিব হেন্দ গ্ৰেনেদ অমা, মোটোর সেল অনী, ইমপ্রোভাইজ এক্সপ্লোসিব দিভাইস ( আই ই দি) অনী রিকোভর তৌখিবনি হায়রি।
ফাগৎখ্রবা খূৎশু-খূৎলায় শিং অদূ মখাতাবা ইনভেষ্টিগেসনগীদমক মরী লৈনবা পুলিস ষ্টেসন্দা শিন্নখ্রে। মসীগী মতাংদা পুলিস না কেস অমা রেজিষ্টর তৌদুনা থিজিনবসু হৌখ্রে হায়রি।