আইন কায়না লৈবাক অসীদা চঙশীল্লক্লগা পান কার্দ, ভোটর আই দি, আধার কার্দনচিংবা দোক্যুমেন্ট শিং পায়রে হায়রগা ইন্দিয়াগী সিটিজন অমনি হায়দুনা হেক্তা ক্লেইম তৌবা য়াবা নত্তে হায়না বোম্বে হায় কোর্ট না ময়েক শেংনা ফোঙদোকখ্রে। হৌখিবা চহী ১০ হেন্না বংলাদেশতগী অশাবা দোক্যুমেন্টশিং শীজিন্নরগা ইন্দিয়াদা লৈরম্বা মীওই অমা ফাজীন্দুনা জুদিসিয়েল কষ্টদিদা লৈবদগী, মহাকপু বেলদা থাদোকপিননবা হায়জরকখিবা প্লি অমা রিজেক্ট তৌখিবগা লোয়ননা কোর্ট অসীগী জষ্টিস অমিট বোর্করগী বেঞ্চনা ৱাফম অসী ফোঙদোরকখিবনি।
জষ্টিস বোর্করনা হায়, পানকার্দ, ভোটর আই দি, আধারনচিংবা দোক্যুমেন্ট শিং অসীদি ইচম চম্না কনাগুম্বা মীওই অমা কনানো, করিনো, কদায়দা লৈবনো, কনাগী মচানো হায়বদু খঙদোক্ননবা লৈঙাক্কি মরী লৈনবা অথোরিটিনা ইস্যু তৌবা আইদেন্টিফাইয়িং দোক্যুমেন্টশিংনি।
ইন্দিয়াগী সিটিজন করম্না ওইবগে হায়বগী মতাঙ অদূদি অদূঙৈ কুমশিং ১৯৫৫ দা ইন্দিয়ান পারলিয়ামেন্ট না সিটিজন্সিপ এক্ট পাস তৌদুনা, কনা-কনানা অমসুং করম্বা মীওইনা লৈবাক অসীগী সিটিজন ওইগদগে অদুগা কনানা মীরৈবাক মচানো হায়বগী মতাঙদা ময়েক শেংনা লাউথোক্তুনা অইবা ওইনা ফোঙদোক্তুনা লৈখ্রবনি।মরম অদূনা কনাগুম্বা মীওই অমা লৈবাক অসীগী ওইব্রা নত্রগা ওইদব্রা হায়বসিদি সিটিজন্সিপ এক্ট কি মতূঙ ইন্না লেপকদবনি হায়না কোর্ট অদুনা শেংদোকপগা লোয়ননা মরী লৈনবশিংদা ময়েক শেংনা খঙহনখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে