তোয়োতা কির্লোস্কর মোতোরনা জেন্দর দাইভর্সিতী অমসুং ইনক্লুজনগী অচেৎপা ফিরেপকা লোয়ননা মালেমগী নুপীশিংগী নুমিৎ ২০২৫ পাংথোক্লি

মালেমগী নুপীশিংগী নুমিৎ পালন তৌরদুনা তোয়োতা কির্লোস্কর মোতোর (তি.কে.এম.)না ওতোমোতিব ইন্দস্ত্রীদা জেন্দর দাইভর্সিতী লৈহন্নবা অমসুং নুপীশিংবু মপাঙ্গল কনখৎহন্নবগীদমক মখোয়গী ফিরেপ অদু অমুক হন্না ফোংদোক্লি। ইন্দস্ত্রী অসিদা জেন্দরগী ওইবা অপনবশিং কোকহন্নবা হৌজিক হোৎনরিবা অসিগী শরুক অমা ওইনা, তি.কে.এম.না পোলিসীশিং অমসুং ইনফ্রাস্ত্রকচরদা অহেনবা মীৎয়েং থমদুনা নুপীশিংবু মেন্যুফেকচরিং, তেক্নিকেল অমসুং লুচিংবগী থৌদাংশিংদা মতেং পাংলি। ২০৩০ ফাওবগী মনুংদা নুপীগী রিপ্রজেন্তেসন ৩০% য়ৌহন্নবা পান্দম থমদুনা, তি.কে.এম.না ওর্গানাইজেসন অসিগী মনুংদা নুপীশিংবু সপোর্ত তৌনবা অমসুং মপাঙ্গল হেনগৎহন্নবা ইনিসিএতিব কয়া অমা পায়খৎলি।

চহি অসিগী নুপীশিংগী নুমিৎকী থিম, #AccelerateActionনা মেন্যুফেকচরিং সেক্তরদা তেলেন্ত পুথোকপা, ইনক্লুসিবিতীবু য়ুম্ফম ওইহনবা অমসুং অপনবশিং লৈতবা থবক মফম অমা শেমগৎনবা তি.কে.এম.গী মীৎয়েংগা চুন্নৈ। নুপীশিংগী থোইদোক হেন্দোকপা কন্ত্রিব্যুসনশিংবু শকখঙনবগীদমক, তি.কে.এম.না মাগী বিদাদি ফেসিলিতীদা নুপী এমপ্লোয়ী ৫০০ হেন্না পুন্দুনা অখন্নবা থৌরম অমা পাংথোক্কনি। থৌরম অসিদা লীদরশিপকী মতাংদা খন্ন-নৈনবা, পেনেল সেসনশিং, কলচরেল প্রোগ্রামশিং অমসুং শিংথানিংঙাই ওইরবা থৌদাংশিংবু শকখঙনবগী থৌরমশিং পাংথোক্কনি।

থৌরম অদুদা তোয়োতা কির্লোস্কর মোতরগী ফাইনান্স অমসুং এদমিনিস্ত্রেসনগী একজিক্যুতিব ভাইস প্রসিদেন্ত জি. শঙ্করনা হায়খি, “তোয়োতা কির্লোস্কর মোতরদা, ঐখোয়না থাজৈ মদুদি দাইভর্সিতী অসি মেত্রিক অমখক্তা নত্তে, ইন্নোবেসন অমসুং প্রোগ্রেসকী কেতালাইজর অমনি। ইনক্লুসিব ৱার্কপ্লেস অমা শেমগৎপদা ঐখোয়না লৌরিবা থৌদাং অসি পোলিসীশিংদগী হেন্দোক্লি – মসি নুপীশিংনা চাউখৎপা, লুচিংবা অমসুং তুংগী মীরোলশিংবু পুক্নিং থৌগৎপা ঙম্বা অকোয়বগী ফিভম অমা শেমগৎপনি। ঐখোয়গী স্কিলিং অমসুং অপস্কিলিংদা লেপ্পা লৈতনা মীৎয়েং থমদুনা ঐখোয়না নুপী কয়া অমা মোবিলিতীগী তুংলমচৎপু থৌগৎনবা শক্তি পীনবা পান্দম থম্লি, মসিনা ২০৩০ ফাওবদা ৩০% রিপ্রজেন্তেসনগী মাইকৈদা ঐখোয়গী খোঙচৎ মপাঙ্গল কনখৎহল্লগনি। মালেমগী নুপীশিংগী নুমিৎ অসিদা, তোয়োতানা মায় পাকপা খক্তা নত্তনা ওতোমোতিব ইন্দস্ত্রীগী তুংলমচৎসু শেমগৎলিবা ঐখোয়গী নুপী শিন্মীশিংগী রেসিলিয়েন্স, শক্তি অমসুং কন্ত্রিব্যুসনশিংবু ইকাই খুম্নবা উৎলি”। 

স্কিল্লিং অসি ওতোমোতিব সেক্তরদা জেন্দর দাইভর্সিতী লৈহন্নবগী মরুওইবা অমনি, অমসুং ইন্দস্ত্রীদা মীৎয়েং চঙবা ত্রেনিংগী খুত্থাংদা নুপীশিংদা শক্তি পীনবা তি.কে.এম.না হোৎনরি। তোয়োতা তেক্নিকেল ত্রেনিং ইন্সতিত্যুৎ (তি.তি.তি.আই.) না চহিগী ওইনা মহৈরোয় ১২০০ লৌদুনা, নুপীশিংদা ৫০%গী স্পোৎ পীদুনা মিসন অসিদা মরুওইবা থৌদাং অমা লৌরি। মসিগী খুদম অমা হায়রগদি, গ্লোবেল তোয়োতা মরাথোন রিলে রেস ২০২৪দা ফজরবা দেব্যুৎ অমা তৌদুনা ১০শুবা মফম লৌখিবা তি.কে.এম.গী ৱুমেন মরাথোন তীমনি, মসিনা শান্ন-খোৎনবদা অমসুং মসিগী মপান্দা নুপীশিংগী পাঙ্গল, রেসিলিয়েন্স অমসুং হোৎনবা কনবা উৎলি। মসিগী খোঙথাং অসিবু মপুং ফাহন্নবগীদমক, তোয়োতা কাউশালিয়া “লর্ন এন্দ আর্ন” ইনিসিএতিবনা ত্রেনীশিংদা মালেমগী ওইনা শকখঙনরবা স্কিলশিং পীরি মসিনা মখোয়গী ইমপ্লোএবিলিতী অমসুং লোং-তর্ম কেরিয়রগী ওইথোকপশিং হেনগৎহল্লি।