খুল ঙাক্তুনা, কুকি-নার্কো টেরোরিষ্টশিংনা চত্থরক্লিবা এত্তেক কয়া মায়োক্নরিবা ঈচা-ঈনাওশিং লৈঙাক্না কৈদৌনুংদা ফাননবা হোৎনরকপা য়ারোই, মনিপুরদগী আফস্পা খূদক্তা লৌথোক্কদবনি, অরম্বাই তেঙ্গোলগী লূচিংপুরেল কোরৌঙানবা খূমন নেস্নেল ইনভেষ্টিগেসন এজেন্সি (এন আই এ) না ফাননবা নত্রগা মহাক্কি মথক্তা কেস অমত্তা লৌখৎপা য়ারোই, চিন- কুকি- নার্কো টেরোরিষ্টশিং মনিপুরদগী মরূ ফংনা তকথোক্তুনা মাঙহল্লু হায়বনচিংবা দিমান্দ তৌরদুনা অকনবা খোল্লাউ কয়াগা লোয়ননা ঙরাং ইম্ফালগী উরীপোক্তা মীয়াম্না প্রোটেষ্ট তৌখ্রে।
ঊরিপোক অপূনবা লূপ অমসুং ঊরিপোক অপূনবা নূপী লূপনা ঙরাং নুমিদাংৱাইরম ঊরিপোক কান্টিন ক্রোসিংদা লম্বী তঙ্খাই থিংজিন্দুনা অকনবা মওংদা খোঙজঙ চঙশীনখ্রে। খোঙজঙ অদুদা শরুক য়াখিবা ঊরিপোক মায়কৈগী মৈরা পায়বী ঈমাশিংনা খোল্লাউ কয়াসু লাউখি। ঊরিপোক অপূনবা লূপকি পব্লিসিটি সেক্রেটরি না হায়, হৌজিক কুকি- জো মিলিটেন্টশিংনা মৈতৈ ফূরুপকি মীয়ামগী পুন্সি অমসুং লন- থুম পাক-সন্না মাঙহল্লক্লবা তাঞ্জাসিদা ঐখোয়গী খুলশিং ঙাক্তুনা মীয়ামগী পুন্সি কন্ননবা হোৎনরিবা ঈচা- ঈনাওশিং পুলিসনা, সেন্ট্রেল ফোর্স না ফাগৎনবা হোৎনবা কৈদৌনুংদা য়াবা ঙম্লোই।
অরম্বাই তেঙ্গোলগী মথক্তা কেস অমত্তা লৌখৎপসু য়ারোই অদুগা মনিপু্রগী মফম খরদা অফস্পা থমজিল্লিবা আসীসু খূদক্তা রিপিল তৌগদবনি হায়খি। ঈরাং লোইরবা মতমদা খুল ঙাকপশিংসু নোর্মেল পুন্সিদা মরোমদোম হঞ্জিল্লকপা মশানা তাবনি হায়খি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে