তরানিথোইশুবা মনিপুর লেজিসলেটিব এসেমব্লিগী তরেৎশুবা সেসন ঙসীদগী মখা তানা চত্থরগনি অদূগা শেনবা চহী ২০২৬-২৭ কি বদজেট এষ্টিমেট ঙসী মীফমগী অহৌবা নুমিত্তা খন্নরগনি। বদজেট সেসন অসি চৎলিবা মার্চ থা অসীগী ১৭ ফাওবা চত্থগদবনি। মমাঙদা এসেমব্লীগী বিজিনেস এদভাইজরি কম্মিটিনা লেপখিবা ৱারেপকি মতূঙ ইন্না,থা অসীগী ১৪ অমসুং ১৫ দি থাংজা অমদি নোংমাইজীং ওইবনা সেসন অমত্তা লৈরোই হায়না মমাঙদা ফোঙদোকপসু লৈখ্রে।
ঙসী অহৌবা নুমিত্তা শেনবা চহী ২০২৬-২৭ কি বদজেট এষ্টিমেট পুথোক্তুনা পাস তৌনবগীদমক খন্নগনি। হন্দক্কি বদজেট অসিদা মনিপুরগী নূপী লাখ ৩.৫ দা চাউনা কান্নবা পীরগদবা, মখোয়গী চাওখৎ-থৌরাংগা মরী লৈনগদবা লূপা ক্রোর ৩৫০ গী শেনফমসু হাপকদৌরি।হীরম অসীগী মতাঙদদি মমাঙদসু চিফ মিনিষ্টর য়ূম্নাম খেমচান্দনা ফোঙদোকখিবা লৈখ্রবনি।মীফম ফম্বগী অহৌবা নুমীত্তা হাওসকি মেম্বরশিংনা এসেমব্লী অসীগী লৈখিদ্রবা মেম্বরশিংদা ঈকায়খুম্নবা অমদি অৱাবা ফোঙদোকপগী থৌরম, ওবিচুৱারি রিফরেন্স পাঙথোক্কনি।
কুমশিং ২০২৫-২৬ কি সপ্লিমেন্টরি দিমান্দ ফোর গ্ৰান্টশিংসু ঙসী মীফমগী অহৌবা নুমিত্তা পুথোক্কদৌরি। হৌখিবা ফেব্রুয়ারি ৫দা গভর্নর অজয় কুমার ভাল্লানা হাওসতা থমখিবা ৱারোলশিং অদূগী মতাঙশিংসু হাওসকি মেম্বরশিংনা খন্ন-নৈনগনি। দিপার্টমেন্ট খূদীংমক্কী ওইনা তোঙান তোঙান্না পুথোক্তুনা খন্ন নৈনবগী থবকশিং চত্থবগা লোয়ননা বদজেট এষ্টিমেটশিং পুথোক্তুনা পাস তৌগনি হায়রি।
You may also like
-
শিরবা পেসেন্ট দা ওক্সিজেন থাজীন্দুনা আই সি য়ুদা থম্লগা শেল তানখিবা লৈতে: দা.পালিন
-
এম এল এ না মীয়ামদা ঈশীং ঈচাওগী খূদোল তম্বিরে: গ্ৰূপ
-
এক্সসাইজ দিপার্টমেন্টগী বোলেরো গারি মঙা চিফ মিনিষ্টরনা শীজীন্নবা হৌদোকখ্রে
-
ৱেষ্টর্ন ষ্টেন্দার্দ হায় স্কুল কনভর্সন তৌরগনি: রাজেন
-
য়াউশং কুমহৈ নুমিৎ মঙানিদগী হেন্না পাঙথোকপিগনু: মৈরা পায়বী লূপ