ওল মনিপুর য়ুনাইটেদ ক্লব্স ওরগনাইজেসন ( অমুকো) গী মীৎয়েং মখাদা লমদম অসীদা ঙাগী পোত্থোক মরাং কায়হন্দুনা ঙাগী পোত্থোক্তা মিপাল তাংদনা নুঙাইনা লৈননবা পান্দমদা থৌবাল অমসুং ককচীং দিষ্ট্রিক্ট অনীগী তোঙান তোঙানবা মফমশিংদা লৈরিবা লৈকায়গী অচৌবা পূখ্রীশিংদা ঙা মচা লীশীং ৭০ রোম থাধখ্রে। অমুকোনা ষ্টেট লৈঙাক্কি ফীসরিজ দিপার্টমেন্ট অমসুং ওল মনিপুর য়ুনাইটেদ ফীসরিজ এসোসিয়েশনগা খূৎশম্নরগা দিষ্ট্রিক্ট অনীগী তোঙান তোঙানবা মফমশিংদা লৈরিবা লৈকায়গী অচৌবা পূখ্রীশিংদা ঙা মচাশিং অদূ থাধখিবনি।
ৱাপোকপী ময়ায় লৈকায় পূখ্রী অচৌবা, থাংজিং খূনৌ মমাঙ পূখ্রী অচৌবা, ককচীং খূনৌ অৱাং লৈকায় খম্লাংবা লৈকোল পূখ্রী অচৌবা, উমাথেল ময়ায় লৈকায় পূখ্রী অচৌবা, ৱাইখোং নিংথৌ মনাই পূখ্রী অচৌবা, লাইমনাই পূখ্রী অচৌবা, লমজাউ মখা লৈকায় ঈমা য়াইওইবী পূখ্রী অচৌবা, হীয়াংলম মখা লৈকায় পূখ্রী অচৌবা, হীয়াংলম ৱায়খোম লৈকায় পূখ্রী অচৌবা, ৱাবগাই পূখ্রী অচৌবা হায়রিবা লৈকায়গী অচৌবা পূখ্রীশিং অসীদা ঙা মচাশিং অদূ থাধখিবনি।
মমাঙদসু মনিপুর লৈঙাক্কি ফীসরিজ দিপার্টমেন্ট অমসুং অমুকোনা খূৎশম্নরগা ইম্ফাল ৱেষ্ট, ইম্ফাল ইষ্ট, বিষ্ণুপুরনচিংবা দিষ্ট্রিক্ট শিংদা লৈরিবা অচৌবা পূখ্রীশিংদা ঙা মচা লীশীং কয়ামরুম থাদদুনা ঙাগী পোত্থোক লমদমসিদা মরাং কায়হন্ননবা থবক লৌখৎপা লৈখ্রবনি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না