মনিপুরগী নিংথৌসু ওইবতা নত্তনা রাজ্য সভাগী এম পিসু ওইরিবা লৈশেম্বা সনাজাউবনা মনিপুরদা লৈরিবা য়েলহৌমী ফূরুপ অমা ওইনা খ্বায়দগী লিরবা য়েলহৌমী অমসু ওইরিবা মৈতৈশিংগী শেংলবা ঈবূধৌ থাংজিংগী লাই খূভমদা চঙদুনা চহীগী ওইনা চাং নাইনা পাঙথোকপা লাইনিং- লাইশোনগী থৌরমশিং হন্দককি চহী অসীগী ওইনসু মপূঙফানা পাঙথোক্ননবা শেম-শাখিবগা লোয়ননা হৌজিক লৈরিবা ষ্টেটকি লো এন্দ ওর্দরগী ফিভম অমসুং থোক্লিবা হীঙশাগী ঈরাং অসীনা মরম ওইদুনা অপনবা, অয়েৎপা কয়া লাক্লবসু মীয়াম্বু নীঙথীনা ঙাক-শেনবগী থবক পায়খৎপিয়ু হায়না তকশীনখ্রে।
কুকি-জো কাঙলূপকি খূৎলায় পায়বা টেরোরিষ্ট শিংনা মৈতৈশিং থাংজিং চীঙগী ঈবূধৌ থাংজিংগী শেংলবা লাইফমদা লাই খুরুম্বগী থবক থৌরমশিং থিংগনি চঙলকপা য়ারোই হায়বা ৱাফম অমা সোসিয়েল মেদিয়াদা ভাইরেল ওইরকখ্রবা মতূঙ নোঙানবা নুমীত্তা নিংথৌ সনাজাউবনা সেন্টরগী অকনবা মীৎয়েং চিংশিনখিবনি।
মিয়াম্না লাই খুরুম্বগী থৌরমসিদা মীশী- মীনা, অশোক অপন থোক্তনবা লৌখৎপা য়াবা চেকশীন থৌরাং মাঙজৌননা লৌখৎপিননবা হায়জখিবনি। ঙসী ঙরাংসু মৈতৈ কাঙলূপকি মচু তরেৎকি ফিরাল কুকিশিংনা শেগায়দুনি মৈ থাদোক্লম্বতা নত্তনা তিন শীৎচিন্দুনা শান্নখিবগী শক্তম সোসিয়েল মেদিয়াদা ভাইরেল ওইরকখিবনি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে