মপূ মশক খঙদবা হুয়শিং লম্বী- শোরোক্তা কোয়চৎ চত্তুনা লৈবা, পীজ-পীথক নিতি-নিয়ম নাইদনা থম্বদগী মীওইবগী পুন্সিদা অশোক- অপন, মীশী-মীনাগী থৌদোকশিং ফাওবা য়াওরকপদগী অসীগুম্বা মখলগী হুয়শিং অসী অথোরিটিনা ফাজীল্লগা তোঙানবা মফমচাবা অমা য়েংলগা চেকশীন্না থম্ননবা লৈবাক অসীগী খ্বায়দগী অৱাংবা থাক্কি ৱায়েল লোয়শঙ সুপ্রিম কোর্ট না মমাঙদা খঙহনবদগী হৌজিক ফাজীন্দুনা থম্লক্লিবা হুয়শিং অদূ তীল হীদাক পীজরবা মতূঙ নীঙথীজনা ভেক্সিনেট তৌরগা থাদোকখিনবা এপেক্স কোর্ট অসীনা মরী লৈনবা অথোরিটিশিংদা অমূক হন্না য়াথং পীখ্রে।
মমাঙদা কোর্ট অসীনা পীখিবা দিরেক্তিবকি মখাদা ম্যুনিসিপাল অথোরিটিশিংনা লম্বীদা কোয়চৎ চত্তুনা লৈবা হুয়শিং ফাজীল্লবা মতূঙদা অখন্ননা শেম-শারবা মফমশিংদা থম্লকখিবনি।
সুপ্রিম কোর্ট কি ৱায়েল অদূগী মায়োক্তা হুয় য়াওনা শা-ঙা নুংশিজবা মীওই কয়ানা আপিল তৌনরকখ্রবা মতূঙদা এপেক্স কোর্ট অসীগী জষ্টিস বিক্রমনাথনা লুচিংবা জজ অহূমগী টিম্না শাবা বেঞ্চ অমনা হুয়শিং অদূ থাদোকখিননবা মখাতানা খঙহনখিবনি।পব্লিক প্লেস শিংদা হুয়শিং পীজা- পীথক তৌবা য়ারোই, ম্যুনিসিপাল ৱার্দ খূদীঙমক্তা হুয়শিং গী পীজ- পীথক তৌফম নীঙথীনা অমসুং মরাঙ কায়না থমগদবনি হায়নসু কোর্ট অসীনা খঙহনখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে