ইম্ফালগী থাঙ্গাল বজারদা অর্বান ইনফ্রাষ্ট্রকচরগা মরী লৈননা হৌজিক শেমগৎ-শাগৎলিবা কয়া অদূ কদায়ফাওবা ক্বালিটি মেন্টেইন তৌরিবগে অমসুং খূমাঙ চাওশীল্লবগে হায়বনচিংবা চিফ মিনিষ্টর য়ূম্নাম খেমচান্দ না ঙরাং অয়ূক কোয়না চত্তুনা য়েংশিনখ্রে লোয়ননা হান্না থমখিবা মতমগী মনুংদা লোইশিন্নবা মরী লৈনবা ওফিসিয়েলশিংদা অকনবা ইন্সট্রক্সন পীখ্রে।
রোদ দেভেলপমেন্ত অমদি রিনোভেসন ৱার্কশিং চিফ মিনিষ্টর য়ূম্নাম খেমচান্দনা য়েংশিনখিবা অদূদা, মী য়াম্না চিল্লক্লবা খ্বাইরম্বন্দ কৈথেলদা চত্থোক চৎশিন তৌরিবা মীয়াম অমসুং ট্রেদরশিংগী খুদোংচাহন্ননবগীদমক ক্বালিটি ঙাক্না অপীবা মতমগী মনুংদা লোইশিন্নবা খঙহনখি লোয়ননা মরী লৈনবা ওফিসিয়লশিংগা উনদুনা ইন্টরেক্সন প্রোগ্ৰাম অমসু পাঙথোক্তুনা খন্ন-নৈনখি।
তোঙান তোঙানবা দিপার্তমেন্তশিংগী মরক্তা কোওর্দিনেসন লৈনা থবক পায়খৎননবা চিফ মিনিষ্টরনা খঙহনখি।খোঙচৎ অদূদা থাংমৈবন্দ কেন্দ্রগী এম এল এ খুমুকচম জয়কিষন, কৈশামথোং কেন্দ্রগী এম এল এ সাপম নিষিকান্ত শরুক য়াখি।
পি দব্লিয়ু দি, ম্যুনিসিপাল কোর্পোরেসন, হাওসিং এন্দ অর্বান দেভলপমেন্ট অমসুং ইম্ফাল ম্যুনিসিপাল কোর্পোরেসনগী ওফিসিয়লশিংসু শরুক য়াখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে
-
নাগা-কুকি অনীগী উংখৎবা হন্থহন্ননবা দিখোনা লূপশিংগা উনখ্রে