অমেরিকাগী নেস্নেল এরোনোটিক্স এন্দ স্পেস এদমিনিষ্ট্রেসন (নাসা)না থা লৈবাক্কি মরমদা হেন্না কূপথনা থিজিন-হূমজীন্নবা থাগৎখিবা স্পেসক্রাফ্ট আর্টেমিস -২ অদূ হৌখিবা এপ্রিল ৪ দা প্রিথীবীগী ওর্বিট লান্থোকখিবগা লোয়ননা থা লৈবাক তম্না য়াম্না অয়াঙবা খোঙজেলদা চঙশীল্লি।স্পেসক্রাফ্ট অসীগী অহানবা অমসুং অনীশুবা নুমিত্তা, মালেমগী ওর্বিট লান্থোক্লমদাইদা ক্রূ মেম্বরশিংনা অশোয়বা -অরানবা অতৈ মখা তানা য়াওরিব্রা হায়বদু কূপ্না শেন্নদুনা য়েংশিনখি।
মতূঙদা থা লৈবাক তম্না খোঙশানবা হৌরকখিবগা লোয়ননা থাগী গ্ৰেভিটি মনূঙদা চঙশীন্নবা অকনবা থবক লৌখৎখিবনি। চাংদম্নদুনা য়েংবদা প্রিথীবীগী গ্ৰেভিটিদগী থাগী গ্ৰেভিটিনা মতীক-ময়ায় কনবা য়াম্না হেল্লি হায়রি। হৌজিক স্পেসক্রাফ্ট অসী থাগী ওর্বিট লান্সীনখিবগা লোয়ননা মশাগী পন্থুংফমসু ঙসী য়ৌশিল্লগনি হায়না পানরি।
থা লৈবাক্তগী কিলোমিটর ৬,৪৫০ খক্তমক লাপ্পা মফম ফাওবা চঙশীল্লবা মতূঙদা ক্রূ মেম্বর মরি অদূনা ঙসীমক ওরিয়েন কেপ্সূল তোংলগা থিজিন-হূমজীনবগী থবকশিং পাঙথোক্কনি।লাক্লিবা এপ্রিল মাপন্দা স্পেসক্রাফ্ট অসী প্রিথীবি মায়কৈ পাংলক্কদৌরি অদূগা এপ্রিল ১০ মালেমগী এটমোস্ফিয়রদা চঙলক্তুনা নুমিৎ অসিমক্তদা স্পেস ষ্টেসন্দা থুংলগদবনি হায়রি।
লাক্লিবা কুমশিং ২০২৭ তা আর্টেমিস-৩ না থাগী লৈমায়দা খোঙদানবা থৌরাং তৌরিবনি।
হন্দক্কি খোঙচৎ অসীগী মরূওইবা পান্দমদি থাদা তশেংনা মীওইবা অমদি অতৈ জিবা পানবশিং খুন্দা-লৈতাদুনা লৈবা ওইথোক্কদ্রা হায়বসিনি।
You may also like
-
ময়াই কাবা দ্রগকি মায়োক্তা এম এস এফনা শীন্দুনা বাইক রেল্লি চৎখ্রে
-
চিফ মিনিষ্টরনা জিরিবামদা উ থাখ্রে, কাঙলূপশিং পূন্না চাকলেন চামিন্নখ্রে
-
মনিপুরগী সোর্ট ফীল্ম, “দি নাইটম্যের” না এৱার্দ কয়া ফংলক্লে
-
‘আই দি পিশিং মশা-মশাগী ময়ূমদা হঞ্জিন্দ্রিবা ফাওবা য়ূমকোক থীবা য়ারোই ‘
-
এম পি বিমোলনা অসামদা কংগ্ৰেস মীরেপকি ভোৎ খোমখ্রে