ওল মনিপুর পোলো এসোসিয়েসন্না ষ্টেট লৈঙাক্কি টুরিজম দিপার্টমেন্ট কি মীৎয়েং মখাদা ঙরাং ইম্ফালগী মপাল কাঙজৈবূংদা ৭শুবা মনিপুর ইন্টর্নেস্নেল ৱিমেন পোলো টুর্নামেন্ট,২০২৬ হৌদোকখ্রে। হন্দক্কি টুর্নামেন্ট অসীদা সাউথ আফ্রিকা, জাম্বিয়া ইন্দিয়ান টিম -এ অমদি ইন্দিয়ান টিম-বি শরুক য়ারি। টুর্নামেন্ট অসী লিগ রাউন্দা শান্নগদবনি হায়রি। মেচ অসিদা পোইন্ট খ্বাইদগী য়াম্না ফংবা ঙম্বা টিম্না লাক্লিবা ফেব্রুয়ারি অনিদা ফাইনেল শান্নগনি।
ঙরাং টুর্নামেন্ট হৌদোকপা নুমিত্তা ইন্দিয়ান টিম-এ (আই পি এ)অমদি ইন্দিয়ান টিম-বি (মনিপুর) অনীনা লম্বা থেংনদুনা শান্নখি। টুর্নামেন্ট হৌদোকপা থৌরমদুদা অথোয়বা মীথূঙলেন ওইনা শরূক য়াখিবা গভর্নরনা হায়, অসীগুম্বা নূপীগী পোলো টুর্নামেন্ট অসীনা নূপীশিংদা শক্তি পীবগী ময়েক শেংলবা খূদম অমসু ওইরে।
তোঙান তোঙানবা লৈবাকশিংগী মরক্তা পোলো মশান্নগী পাম্বৈনা নুংশি-চানবগী মরী হেন্না চেৎশীলহল্লগনি। মপাল কাঙজৈবূঙ অসী পোলো মশান্নগীদি মালেমগী খ্বাইদগী লিরবা শান্নবূঙ অমনি হায়না গভর্নরনা শীঙথাখি। পোলো মশান্না অসী মনীপুরদা খূমাঙ হেন্না চাওশীন্ননবা লৈঙাক্না অহেনবা মীৎয়েং চঙদুনা মতেং পাংগনি হায়নসু মহাক্না মখা তাখি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং