হৌখিবা য়ূমসকৈশা নুমিৎকি নুংথিলদা চুরাচান্দপুর দিষ্ট্রিক্ট হোস্পিটালগী গার্লস হোষ্টেল গেট্টা মথোঙ- মরম খঙদনা নোংমৈ রাউন্দ মঙা-তরুকলক কাপশীন্দুনা হোষ্টেল অদুগী মহৈরোয়শিং অমসুং সধারন মীয়ামদা অকী-অখঙ থোকহল্লম্বা থৌদোক্তা চেন্নবনি হায়বা মীওই অমা কম্বাইন্দ সেক্যুরিটি টিম অমনা ফাগৎপা ঙমখ্রে।
আসাম রাইফলস, মনিপুর পুলিস অমসুং অতৈ লো এনফোর্সমেন্ট এজেন্সিশিংগী অপূনবা টিম্না খূৎশম্নরগা থৌদোক অদুদা চেন্নরিবা লমহেন-তুহেনবশিং অদূ ফাগৎনবা কোর্দোন, সর্স ওপরেসনশিং দিষ্ট্রিক্ট অসীগী মফম কয়াদা চত্থদুনা লাকখিবনি। হোস্পিটাল অথোরিটি অমসুং লমদম অদোমগী মীয়াম্না থৌদোক অদুদা চেন্নরিবা লমহেন-তুহেনবশিং ফাগৎননবা সেক্যুরিটি পার্সনেলশিংদা অকনবা মওংদা তকশীন্দুনা লাকখিবনি।
মহাক্না হৌখিবা য়ুমসকৈশা নুমিৎকি নুমিদাংৱাইরম পূঙ মরিরোম তারকপদা গার্লস হোষ্টেল অদূগী মমাঙগী গেট্টা নোংমৈ রাউন্ড কয়ামরুম কাপশীল্লম্লবা মতূঙদা খোঙলৈ থুনা নান্থোক্তুনা চেনখিবনি হায়রি। মহাক্না করম্বা অনীঙবগী মখাদা থৌওং অদূ চত্থখিবনো,কনা-কনাগী থৌইন্সীন য়াওবগে হায়বনচিংবা খঙদোক্ননবা চুরাচান্দপুর দিষ্ট্রিক্ট পুলিসনা মহাকপু ফোর্মেল ওইনা ফাগত্তুনা থিগৎপা হৌখ্রে। মহাক্কি মমীং, লৈফম্নচিংবদি হৌজিকমক্কি ওইনা দিষ্ট্রিক্ট পুলিসনা ফোঙদোক্তনা থমখ্রে।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে