সোসিয়েল ৱেলফ্যের মিনিষ্টর দিঙ্গোনা অনৌবা চহীগী কেলেন্দর ফোঙখ্রে

ষ্টেট লৈঙাক অসীগী সোসিয়েল  ৱেলফ্যের মিনিষ্টর হৈখাম দিঙ্গোনা ঙরাং মহাক্কি মখাদা লৈরিবা সোসিয়েল ৱেলফ্যের দিপার্টমেন্ট কি মনূঙচন্না লৈরিবা ষ্টেট কম্মিস্নার ফোর পার্সন্স ৱিথ দিসএবিলিটিজ গী ওইনা অনৌবা চহী ২০২৫ গী কেলেন্দর রিলিজ তৌখ্রে। থৌরম অদুদা ৱা ঙাংবদা মিনিষ্টরনা হায়, মহাক্কি সোসিয়েল ৱেলফ্যের দিপার্টমেন্টনা হকচাং অমসুং পূক্নিং ৱাখলগী ফীভম মীয়ামদগী তোঙান্না লৈদুনা মীমান্নদ্রবশিংগীদমক লৈঙাক অসীনা তোঙান তোঙানবা য়াইফা থৌরাং কয়া পায়খত্তুনা লাক্লি।

মখা তারকপা মতমদসু দিসএবল্ড ওইরবশিংগীদমক কান্নরবা থৌরাং-থৌশিল কয়ামরুম লৈঙাক অসীনা পায়খৎননবা থৌরাং তৌরি হায়খি। দিসএবল্ড ওইরবশিং অসীসু খুনাই অসীদা চপ চানা হিংবগী অমদি অতৈ খুদোংচাবা খূদিংমক্কি কান্নবশিং লৌননবা রাইট ফংহনগদবনি। অসীগুম্বা খুদোংচাবশিং লৌননবগীদমক দিসএবল্ড শিংনা মরী লৈনবা লোয়শঙদা রেজিষ্টর তৌবিয়ু হায়খি। থৌরমদুদা শরুক য়াখিবা ষ্টেট কম্মিস্নার ফোর পার্সন্স  ৱিথ দিসএবিলিটিজ গী কম্মিস্নার ৱাইখোম বিহারিনা হায়, দিসএবল্ড ওইরবশিং অসীগী খুদোংচাবা কয়ামরুম ফংহন্ননবা পান্দমদা মনিপুরদা এন জি ও ২৬ লৈঙাক্না ফন্দ পীথদুনা লৈরি।

মখোয়দু য়েংশিল্লুবদা নীংথীজনা থবক তৌরমদবা খরা য়াওরি। মথংগী য়েংশিন-খোঙচত্তা মখা তানা থবক তৌরমদনা মরী লৈনবা মিনিষ্ট্রিদগী ফন্দিংখক্তমক লৌননবা হোৎনরম্বা তারবদি মখোয়গী ফন্দিং অমসুং লাইসেন্স কক্ননবা মরী লৈনবা মিনিষ্ট্রিদা অইবা চেরোল থারগনি হায়বা ৱাফম থমখি।দিস এবল্ডশিংগীদমক স্পেসিয়েল স্কুল ২১ অমসুং হাল্ফৱে হোম ৪ সু লিংখৎলে হায়খি।