চিন-কুকি নার্কো টেরোরিষ্ট শিংনা হৌখিবা কুমশিং ২০২৩ গী মে অহুমদগী মৈতৈ ফূরূপকি মথক্তা অকনবা হীংশা চত্থরকপগী থৌওং চহী অমগা থা তরেৎ শুরক্লে।অকনবা হীংশা অসীগী মনূং চন্না চৎলিবা চহী অসীগী জানুয়ারি থাদা তুমুখোং এরিয়াদা কুকি-মিলিটেন্টশিংনা বোমগী এত্তেক চত্থরকপদা কোক অমসুং য়েৎথংবা মীত্তা শোকপদগী লমদম অদুগী শোরোকখাইবম ইবোচৌবা(৩৪) কৌবা মীওই অসী ঙসীফাওবা য়েৎথংবা মমীৎ উবা ঙমদনা লৈরক্লি।
মহাক চাদা ৯০ গী চাং য়ৌনা মরোল ফাইরবা, ৱা ঙাঙথোকপা ঙমদ্রবা মী অমা হায়বদু ওইরে। অসীগুম্বা ফীভম মায়োক্নরগা য়াম্না অৱাবা মওংদা লৈরিবা ইবোচৌবদা লাইক মাইন্দেদ গ্ৰুপ ( এল এম জি) না লূপা লীশীং কুন মতেং পাংখ্রে। \এল এম জি গী চিফ এদভাইজর ওইনা লৈরিবা ৱাংখেমচা শমজাইনা লুচিংবা লূপ অসীগী টিম্না পোইরৌখোংজিল লীটান মখোঙদা লৈবা মচে অমসুং মবাইগী য়ূমদা হৌজিক চঙজফম লৌদুনা লৈরিবা ইবোচৌবগী খূত্তা তেঙবাংগী শেনফম অদু শিন্নখিবনি হায়না এল এম জি গী পব্লিসিটি সেক্রেটরি রাকেশ নাউরেম্না ফোঙদোকখি।
ইবোচৌবগী য়েৎথংবা মমীৎ উবা ঙমদ্রে অদুগা ৱা ঙাঙবসু চাদা ৯০ ঙমদনা লৈরি। মহাক য়াম্না খুদোংচাদবা ফীভম মায়োক্নরগা লৈরিবা অদূগী মতেং ওইনবগীদমক এল এম জি না শেনফম অদূ পীখিবনি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং