অনাবা মীওইশিংবু য়াম্না চেকশিন্না শেন্নবিদুনা মীওইবগী পুন্সি কনবদা ইন্ট্রাভেনস ( আই ভি) নর্স শিংনা লৌরিবা মরূওইবা থৌদাং কয়াবু ঈকায়খুম্নবা ওইনা চৎলিবা থা অসীগী ২৫ দা হোস্পিটাল অসীগী ওদিটোরিয়মদা আই ভি নর্সেস দেগী থৌরম ওবজার্ব তৌখ্রে। অসিগুম্বা স্কিল প্রোফেস্নেলশিং অসিনা লাইফ সেবিং আই ভি থেরাপিশিং এদমিনিষ্টর তৌবদা য়াম্না মরুওইবা থৌদাং কয়ামরুম লৌদুনা লাক্লি।
নর্সশিং অসিনা ইনফ্যুজনগা মরী লৈনবা হীরমশিংদা, অনাবা মীওইশিংগী হকচাংগী ফিভমদা করি করম্বা অহোংবা লাকপা য়াবগে হায়বগী মতাংদা কূপ্না য়েংশিনবগা লোয়ননা অনাবশিংবু মিনুংশিগা লোয়ননা কূপশেন শেন্নবিরিবনি। মীয়ামদা হায় ক্বালিটি হেল্থ কেয়র দেলিভর তৌবদা অমসুং অনাবশিং য়াম্না থুনা ফগৎহন্নবগী মতাংদা আই ভি নর্স শিংনা মনূঙদা হোৎনরিবা থবক থৌরমশিং অসি অসূক্কি মতিক মমল নাইদনা মরুওইবা ঙাক্তনি হায়রি।
‘ইয়োর লাইফলাইন, অৱার পেসন’, হায়বা থিমদা ওবজার্ব তৌখিবা নর্সেস দেগী থৌরম অদুদা আই ভি নর্সশিংনা অনাবা মীওইশিংগী হকচাংগী ফিভমশিং ফগৎহন্ননবা হোৎনরিবা কয়াগী মতাঙদা শীঙথাখি। ইনফ্যুজন থেরাপ্পি হৌদোরকখিবগী মতাং থৌরমদুদা এক্সপর্ট শিংনা ফোঙদোক্নখিবগা লোয়ননা হোস্পিটাল অসীগী লৈরিবা আই ভি নর্স ৪৪ না লৌরিবা থৌদাং কয়ামরুম শীঙথাখি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না