টেন্থা খূঞ্জাওদা লৈরম্বা ঈশীঙ চেন্থোকখিগদবা অচৌবা কেনেল অমা, কল্লক চাউবা, মশাখক্কিদা য়েংবা লন্নাই মীওইশিংনা লম খোপচীন্নরকপদগী নোংমা নোংমগী ফূঞ্জিল্লকখিবগী থৌওংনা হৌখিবা চহী ৪/৫ অসীদা নোং খজীক্তং তাবদা শঙ্গাইয়ূম্ফম অমসুং মশীগা থংনরিবা খুঙ্গংশিং খূৎশেমগী ঈচাও মায়োক্নবগী ফীভম তোয়না মায়োক্নরগা লাক্লি।
মসীগী শরুক অমা ওইনা হৌখিবা নূমীৎ নীনীগী মতমদগী হৌনা খাঙবোক কেন্দ্র অমসুং ৱাংজিং তেন্থা কেন্দ্র অনীগী মনূঙচন্না লৈরিবা শঙ্গাইয়ূম্ফম মমাঙ লৈকায় পার্ট-১ অমসুং মাইরেনখুল এরিয়াদা খূৎশেমগী ঈচাও মায়োক্নরি।ঈচাও অসীনা লমদম অদোমগী য়ূম- কৈ, লম্বীশিং, ইংখোলদা হৌরিবা পাম্বীশিং অমসুং মফম অদূগী মমাঙ পাৎ লৌকোল থূমজীন্দুনা চাউনা অমাঙ- অতা থোকহল্লে।লৌ পরী ১৫০ রোমদা হৌরিবা ফৌ পাম্বীশিং তুম্না মাঙহনখ্রে হায়রি।
লৌফমশিং অমসুং মাঙ-তাক্লবা মফমশিং অদূ মফম অদূগী হান্নগী জিল্লা পরিষদকি মেম্বর হিজবূর রাহমান্না লৈঙাক্কি মরী লৈনবা ওফিসিয়েলশিংগা পূন্না কোয়না চত্তুনা য়েংশিনমীন্নখি। মহাক্না ফোঙদোকখিবা মতূঙ ইন্না, হৌখিবা চহী ৪/৫ গী মতমসিদা ঈরম-নালাশিং ফুঞ্জিন্নরকখিবা, টেন্থা খূঞ্জাওদা লৈরম্বা ঈশীঙ চেন্থোকখিগদবা অচৌবা কেনেল অমা লৈরম্বা অদূ ফুঞ্জিনিবদগী তেকচম, ৱাংজিং, সমরামলোমদগী চেন্সিল্লকপা ঈশীং চেন্থোকখিননবা ঈরম- নাল্লা লৈরক্তবদগী খূৎশেমগী ঈচাও মায়োক্নবনি। লৈঙাক্কি অথোরিটিনা য়েংশিনবিয়ু হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি