ভার্টিয়া জনতা পার্তী মনিপুর প্রদেস (বি জে পি) বু লমদমসিদা অহানবা ওইনা ময়োল চোংহন্ননবা হোৎনবদা খ্বাইদগী অচৌবা থৌদাং লৌরকখিবা অমসুং পার্টী অসীগী ফাউন্দর মেম্বরসু ওইরম্বা শক্নাইরবা মৈনম ভোরোত ঙরাং অয়ূক মশাগী য়ূমদা অনাবা অমদগী লৈখিদ্রে।
কুমশিং ২০০২ দা পাঙথোকখিবা মনিপুর লেজিসলেটিব এসেমব্লিগী মীখলদা বি জে পিগী টিকেট্টা মায় পাক্লক্তুনা থাংমৈবন্দ কেন্দ্রগী এম এল এ ওইরমখি। লুচিংবা অসী বিজেপি মণিপুর প্রদেশকী প্রসিদেন্ট ওইরম্বতা নত্তনা পার্টী অসীগী নেস্নেল সেক্রেটরি গী ফমসু পূরম্মী।মহাক লৈখিদবগী পাউ তাবদা বি জে পি মনিপুর প্রদেসকি প্রেসিদেন্ট অধিকারিময়ুম সর্দা দেবি না লুচিংবা থৌমীশিংনা মহাক্কি য়ূমদা লাক্তুনা অৱাবা ফোঙদোকপগা লোয়ননা লৈ-শু কত্তুনা লৈখিদ্রবগী মফমদা অরোয়বা ঈকায়খুম্নবা ঊৎখি।
মনিপুর লেজিসলেটিব এসেমব্লিগী স্পীকর থোকচোম শৈত্যব্রত্তনা থাদোরকপা অৱাবা ফোঙদোকপগী ৱারোলদা,মৈনম ভোরোত না মনিপুরগী মীয়াম হেন্না নুঙাই-য়াইফনবা অমসুং বি জে পি অসী মনিপুরদা মরা চেৎপা পোলিটিকেল পার্টি অমা ওইহন্ননবা লৌরমখিবা মরুওইবা থৌদাংশিং শীঙথাখি।মহাক লৈখিদবদা থাংমৈবন্দ কেন্দ্রগী এম এল এ খুমুকচম জয়কিসন্নসু অৱাবা ফোঙদোরক্লি।
