মনিপুরগী ওইনা মপান্দগী চঙলকখিবা মীতোপ-মীয়ানশিংনা লমদমশিগী য়েলহৌমীশিং মুত্থৎনবা থেঙ্খাঙ কয়ারক্ হোৎনরকখিবা ঐখোয়না থেংনদুনা লাক্লিবনি।আইন কায়না, লোন্না মনিপুরদা চঙশীল্লক্লিবা মীতোপশিং অসীনা মনিপুরবু মচেৎ তানা থুগাইরগা মখোয়গী লমদম অমা শেমগৎনবা হোৎনরক্তুনা লমদমসিগী য়েলহৌমীশিংদা লান্দারক্লি। ঐখোয়গী ঈচা-ঈশু, ইচে-ইচল, ঈয়াম্বা-ঈনাও কয়ামরূম পাক্তক্ননা হাৎলক্লবা অসীফাওবদা খঙশীন্নদনা, খূৎ অমত্তা হনবা ঙমদনা, দিল্লিগী য়াকা য়েংদুনা লৈরিবা লমদমসিগী এম এল এ, মিনিষ্টরশিং অসিবু ঐখোয়গী লুচিংবনি হায়গদৌরিব্রা হায়না জষ্ট এন্দ ফ্যের দিলিমিটেসন গী কনভিনর জিটেন্দ্র নিঙোম্বনা অকনবা ৱাফম ফোঙদোকখ্রে।
ঙরাং ইম্ফাল ৱেষ্ট দিষ্ট্রিক্ট কি মনূঙ চন্না লৈবা হৈরাঙ্গোইথোং অৱাং মাইবম লৈকায়দা লৈবা কম্যুনিটি হোলদা সেন্সসকি মতাঙদা পাঙথোকপা মীয়ামগী মীফমদা ৱা ঙাঙবদা ৱাফম অসি জিতেন্দ্র নিঙোম্বনা থম্লকখিবনি।মহাক্না হায়, মীতোপ খরখক্না ঈরমদম থুগাইনবা হোৎনদুনা লান্দারক্তুনা ঐখোয়গী ঈচা-ঈনাও, ঈচে-ঈচলশিং পাক্তক্ননা হাৎলক্লবা অসীফাওবদা খঙশীন-উশিন্নদনা, সেন্টরনা করি হায়রক্কদগে হায়বা য়াকা য়েংদুনা লৈরিবা এম এল এ অমদি মিনিষ্টরশিং অসিনা মনিপুরদা এন আর সি থবক্তা ওন্থোক্নবা হোৎনদ্রি।
সেন্সসকি থবক-থৌরম পায়খত্রিঙৈ মমাঙদা এন আর সি চৎনহন্দুনা, মীতোপশিং হান্না খন্দোক্কদবনি হায়বদা য়ানিংদবগুম তৌরিবসিগী ফল য়াম্না থুনা ফংলগনি হায়না জিতেন্দ্র নিঙোম্বনা মীয়ামগী মীফম অদুদা ফোঙদোকখি।
You may also like
-
থক্নবা ঈশীং ফংহন্দবগী মায়োক্তা মতম কক্তনা লম্বী থিংজিন্নবা ৱারেপ লৌখ্রে
-
জেনিম্সকি এদমিনিষ্ট্রেটিব ব্লোক্তা বোম থমজিল্লম্বগী মায়োক্তা ৱাকৎ মীফম পাঙথোকখ্রে, পার্টিনসু শেংদোরক্লি
-
এম পি সি সীগী দিপ্যুটি লিদর রঞ্জিৎ ফম থাদোকচরগে হায়বগী চেরোল পীশীনখ্রে
-
বি জে পিদা চঙলকখ্রে
-
মনিপুরগী নূপীশিংদা কান্নবা পীনবগীদমক ক্রোর ৩৫০ বদজেট তা হাপ্লগনি: চিফ মিনিষ্টর