রোটরি ক্লব ওফ ইম্ফাল, রোটরি ইন্টর্নেস্নেল দিষ্ট্রিক্ট ৩২৪৯ না হৈরোক পার্ট থ্রীদা লৈরিবা খুমন য়ূথ দেভলপমেন্ট ক্লব (কে ৱাই দি সি) হৈরোক পার্ট থ্রীগা খূৎশম্নরগা মেগা হেল্থ কেম্প অমা পাঙথোকখ্রে। মফম অদুদা লৈরিবা এস পি ও এফ (কোই) কমপ্লেক্সতা পাঙথোকখিবা কেম্প অদু বাবিনা দাইগ্নোষ্টিক্স সেন্টর, শীজা হোস্পিটালস এন্দ রিছর্স সেন্টর অমসুং রিমসকি মতেংগা লোয়ননা পাঙথোকখিবনি। রোটরি ক্লবনা চহী খূদিংগী ওইনা মীয়ামগী হকশেলগী ফীভম ফগৎহন্ননবা, নাদ-য়েক্তনা লৈবা, মতীঙ লৈবা খুনাই অমা শেমগৎনবা মেগা হেল্থ কেম্প কয়ামরুম পাঙথোক্তুনা লাক্লিবা অদূগী শরুক অমা ওইনা হৈরোক পার্ট-থ্রীদা মেগা কেম্প অদু হৌদোকপনি হায়রি।
কেম্প অদূদা ই এন টি, আই, গাইনিকোলোজি, ওরথো, মেদিসিন, সর্জরি, দেন্টেল, পেদিয়াত্রিক, স্কিন নচিংবা মখলগী অনাবশিং স্পেসিয়েলিষ্ট দোক্তরশিংনা লায়েংখি। লেম্না হীদাক-লাংথকশিং য়েন্থোকখিবগা লোয়ননা ব্লদ সুগর টেষ্টনচিংবসু লেম্না চত্থ খি।
হৌজিক মনিপুরদা লৈরিবা অকনবা ঈরাঙ অসীগী চৈরক্তা অরাপ্পা মফমশিংদা লৈবা অচৌবা হোস্পিটালশিং অমসুং হেল্থ কেয়র ইন্সটিট্যুটশিংদা চত্তুনা লায়েংলুবদা অৱাবা খুদোংচাদবা কয়ামরুম মীয়াম্না মায়োক্নরগা লৈনরিঙৈ চৈরকশিদা অসীগুম্বা মেগা হেল্থ কেম্প অমা পাঙথোকপা অসী য়াম্না নুঙাইবা অমসুং হরাওবা পোকই হায়না কে ৱাই দি সিগী সেক্রেটরি জোন্নি খূমন্না ফোঙদোকখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে