মরৈবাক মরমদম কন্ননবা হোৎনবদা মতম অমগী অসামগী চিফ কম্মিস্নার মিষ্টর গ্ৰিমুদপু টিমেন টা না থিন্দুনা হাৎখিবা অথৌবা পুখ্রম্বম কাজাউগী ১৩৫ শুবা মেমোরিয়েল ওবজার্বেসন থৌরম ঙরাং ইম্ফাল নোংচুপ পানাগী মনূঙচন্না লৈরিবা কাংমোং মাইস্নাম লৈকায়দা শক্নায়রবা লমদমসিগী মীওই কয়ানা শরুক য়ারদুনা পাঙথোকখ্রে।
পুখ্রম্বা কজাউ মেমোরিয়েল ট্রষ্ট মনিপুর, জষ্টিস কম্মিটি ওন এংলো-মনিপুরি ৱার ১৮৯১ মার্টর্স এন্দ ফ্রীদম ফাইটর্স ওফ মনিপুরনা খূৎশম্নরগা শীনখিবা থৌরম অদুদা ঐখোয়না ঈমালৈবাক ঈরমদমগীদমক থৱায় কত্থোকপদা অকিবা, চিংনবা লৈতবা কম্যুনিটি অমা ওইরুবগী চাউথোকচবা অদূ মালেমগী মীয়াম মমাঙদা ফাওজৈ। মালেমগী লৈবাকশিং অমসুং কম্যুনিটি খূদীঙমক্নসু মরমদম-মরৈবাক নুংশিবগীদমক মনিপুরিশিংবু শীঙথানরিবনি হায়না শরুক য়াখিবা স্পিকরশিংনা ফোঙদোক্নখি। মরৈবাক মরমদম্বু থৱায়দগীসু হেন্না লূম্না লৌরিবা লমদমশিগী অথৌবা পুখ্রম্বা কজাউ না ব্রিটিস মচা চিফ কম্মিস্নার মিষ্টর গ্ৰিমুদপু তা না থিন্দুনা থৌনা ফনা হাৎলবা মতূঙদা নোক্না থৱায় থাখিবনি হায়না থৌরমদুদা ৱা ঙাঙখিবা য়ু এন এল এফকি হান্নগী চ্যেরমেন নিংথেমচা সনায়ায়মা (আর কে মেঘেন) না ফোঙদোকখি।
পূখ্রম্বা কজাউ মেমোরিয়েল ট্রষ্টকি ভাইস প্রেসিডেন্ট ঙাঙোম তোমাল, দি এম য়ুনিভর্সিটিগী থবক্তগী পোত্থাখ্রবা দিরেক্তর ওফ স্পোর্টস প্রোফেসর আর কে চন্দ্রকুমার অমসুং অতৈ শক্নায়রবা মীওই কয়ামরুম শরুক য়ারদুনা থৌরমদুদা ৱা ঙাঙখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে